វ៉ាក់សាំងកូវីដវៀតណាមNanocovaxបញ្ចប់ការសាកល្បងភាពស៊ាំរបស់មនុស្ស

វៀតណាម៖ អ្នកស្រាវជ្រាវនៅសាកលវិទ្យាល័យពេទ្យយោធាវៀតណាម បានបញ្ជាក់ថា វ៉ាក់សាំង Covid-19 របស់វៀតណាមឈ្មោះ Nanocovax បានបញ្ចាប់ដំណាក់កាលទីពីរនៃការសាកល្បងភាពសុំារបស់មនុស្សចំពោះអ្នកដែលស្មគ្រចិត្តចាក់សាកល្បងដំបូង។

វ៉ាក់សាំង Nanocovax គឺជាវ៉ាក់សាំង Covid-19 ដំបូងបង្អស់របស់វៀតណាម ដែលបានបញ្ចប់ដំណាក់កាលទី២នៃការសាកល្បង ដើម្បីបញ្ជាក់ពីភាពសុំារបស់មនុស្ស ជាលទ្ធផលអ្នកស្ម័គ្រចិត្តទាំង ៥៥៦ នាក់ដែលបានចាក់វ៉ាក់សាំងកម្រិត ២៥ ៥០ និង ៧៥ មីក្រូក្រាម បង្កើតកម្រិតភាពស៊ាំនឹងមេរោគ។

តាមក្រុមអ្នកស្រាវជ្រាវ បាននិយាយថា ពួកគេនឹងប្រើលទ្ធផលដែលបង្កើតដោយក្រុមថ្នាំកម្រិត ២៥ មីក្រូក្រាមទាបបំផុតដែលជាកម្រិតដែលត្រូវបានស្នើសម្រាប់ការប្រើប្រាស់នៅដំណាក់កាលទីបីនៃការសាកល្បងជាមួយមនុស្សនឹងចាប់ផ្តើមនៅថ្ងៃទី ៥ ខែ ឧសភា រហូតដល់ចុងខែមិថុនាដោយមានការចូលរួមពីអ្នកស្ម័គ្រចិត្តជាង១.០០០ នាក់។

លទ្ធផលផ្លូវការសម្រាប់ដំណាក់កាលទី ២ រំពឹងថានឹងត្រូវរាយការណ៍ទៅក្រសួងសុខាភិបាលនៅថ្ងៃអង្គារនេះ។ នៅពេលបញ្ចប់ការសាកល្បង Nanocovax ត្រូវបានគេរំពឹងថានឹងធ្វើការចែកចាយក្នុងសហគមន៍។

សូមជម្រាបថា បច្ចុប្បន្នប្រទេសវៀតណាមកំពុងបង្កើតវ៉ាក់សាំង Covid-19 ក្នុងស្រុកចំនួន ៤ គឺៈ Nanocovax ដោយ Nanogen, Covivac ដោយវិទ្យាស្ថានវ៉ាក់សាំងនិងជីវវេជ្ជសាស្ត្រ (IVAC) និង ២ ផ្សេងទៀតដោយក្រុមហ៊ុនផលិតវ៉ាក់សាំង និងជីវសាស្ត្រលេខ ១ (វ៉េបាធុច) និងមជ្ឈមណ្ឌលស្រាវជ្រាវ និងការផលិតវ៉ាក់សាំងនិងជីវសាស្ត្រ។ប្រទេសវៀតណាមមានគោលបំណងផលិតនូវវ៉ាក់សាំង Covid-19 ចំនួន ១៥០ លានដូស ដើម្បីគ្របដណ្តប់ ៧០ ភាគរយនៃប្រជាជនរបស់ខ្លួននៅឆ្នាំក្រោយ៕