វិទ្យាល័យ«ជា សុីមសាមគ្គី»ក្លាយជាកន្លែងសម្រាកព្យាបាលអ្នកមានជំងឺកូវីដ១៩

ភ្នំពេញ៖រដ្ឋបាលរាជធានីភ្នំពេញ នៅថ្ងៃទី ៩ មេសានេះ បានសម្រេចជ្រើសរើសយកទីតាំងវិទ្យាល័យ ជា សុីម សាមគ្គី ដើម្បីយកធ្វើជាកន្លែងសម្រាកព្យាបាលអ្នកមានជំងឺកូវីដ១៩ និងធ្វើចត្តាឡីស័ក។ការសម្រេចយកទីតាំងនេះ គឺបន្ទាប់ពីចំនួនអ្នកឆ្លងកូវីដនៅក្នុងប្រទេសកម្ពុជាបន្តកើនឡើងគួរឱ្យព្រួយបារម្ភ។

ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញចុះពិនិត្យទីតាំងវិទ្យាល័យ ជា សុីម សាមគ្គី ដើម្បីយកធ្វើជាកន្លែងសម្រាកព្យាបាលអ្នកមានជំងឺកូវីដ១៩ និងធ្វើចត្តាឡីស័កដោយក្នុងនោះរដ្ឋបាលរាជធានីភំ្នពេញបានរៀបចំយកចំនួន៣អគារស្មើនឹង៣៤បន្ទប់ក្នុងមួយបន្ទប់ដាក់បានចំនួន៧នាក់។