ប្រធានសហជីព០២រូប ត្រូវបានតែងតាំងជារដ្ឋលេខាធិការក្រសួងការងារ

ភ្នំពេញ៖ ប្រធានសហជីពចំនួន០២រូប ត្រូវបានតែងតាំងតំណែងជារដ្ឋលេខាធិការនៃក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី២៩ មីនា ឆ្នាំ ២០២១ នេះ។

យោងតាមព្រះរាជក្រឹត្យ បានត្រាស់បង្គាប់តែងតាំង ឯកឧត្តម ជួន មុំថុល និងឯកឧត្តម សោម អូន កាន់កាប់តួនាទីជារដ្ឋលេខាធិការនៃក្រសួងការងារ និងបណ្ដុះបណ្ដាលវិជ្ជាជីវៈ។

សូមជម្រាបជូនថា ឯកឧត្តម ជួន មុំថុល​ ពីមុនមានតួនាទីជា ប្រធានសហភាពសហព័ន្ធសហជីពកម្ពុជា ចំណែក ឯកឧត្តម  សោម អូន មានតួនាទីជា ប្រធានសភាសម្ព័ន្ឋសហជីពជាតិកម្ពុជា។ 

ជាមួយគ្នានេះផងដែរ ឯកឧត្តមចំនួន០៤រូប និងលោកជំទាវមួយរូប ត្រូវបានតែងតាំងជាអនុរដ្ឋលេខាធិការ នៃក្រសួងការងារ និងបណ្ដុះបណ្ដាលវិជ្ជាជីវៈក្នុងពេលតែមួយផងដែរ។