សហគមន៍អ៊ឺរ៉ុបបានជំរុញឱ្យក្រុមហ៊ុន AstraZeneta បង្កើនកិច្ចសន្យាចែកចាយវ៉ាក់សាំងរបស់ខ្លួន

EU៖ ទីភ្នាក់ងារព័ត៌មានស៊ីនហួ ប្រធានគណៈកម្មការអឺរ៉ុបលោកស្រី Von Delane នៅថ្ងៃទី ២៥ បាន ជំរុញឱ្យក្រុមហ៊ុនឱសថអង់គ្លេស AstraZeneca បង្កើនកិច្ចសន្យាផ្តល់វ៉ាក់សាំងរបស់ខ្លួន ដើម្បីធានាថា សហភាពអឺរ៉ុបទទួលបានចំណែករបស់ខ្លួន។

នៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំកំពូលវីដេអូអ៊ឺរ៉ុបនៅថ្ងៃនោះ ប្រធានគណៈកម្មាធិការអឺរ៉ុបលោកស្រី Von Delane បាននិយាយថា ក្នុងរយៈពេល ៣ ខែទៀត សហភាពអឺរ៉ុបនឹងទទួលបានវ៉ាក់សាំងចំនួនបីដង ចាប់តាំងពីដើមឆ្នាំនេះ។ រហូតមកដល់ពេលនេះ រដ្ឋជាសមាជិកសហភាពអ៊ឺរ៉ុបទាំងអស់បានទទួលវ៉ាក់សាំងប្រមាណ ៨៨ លានដូស ហើយជាង ៤% នៃប្រជាជនអ៊ឺរ៉ុបបានទទួលវ៉ាក់សាំងចំនួនពីរដូស។

លោកស្រីបន្តថា ទោះបីមានការពន្យារពេល ក្នុងការផ្តល់វ៉ាក់សាំងក៏ដោយ ក៏សហគមន៍អ៊ឺរ៉ុបនៅតែមានទំនុកចិត្តថាមនុស្សពេញវ័យចំនួន ៧០ ភាគរយនៃសហគមន៍អ៊ឺរ៉ុបនឹងត្រូវចាក់វ៉ាក់សាំងនៅចុងរដូវក្តៅនេះ។

ប្រធានាធិបតីអាមេរិក Biden ក៏បានចូលរួមក្នុងសន្និសីទតាមរយៈវីដេអូនាយប់នោះដែរ នៅពេលនិយាយអំពីបញ្ហានេះ លោកស្រី Von Delane បានលើកឡើងថា សហរដ្ឋអាមេរិក គឺជាដៃគូសំខាន់របស់សហគមន៍អ៊ឺរ៉ុប ហើយភាគីទាំងពីរមានបំណងពង្រឹងកិច្ចសហប្រតិបត្តិការក្នុងការផលិតវ៉ាក់សាំង។

ថ្នាក់ដឹកនាំនៃប្រទេសទាំង ២៧ នៃសហភាពអឺរ៉ុប បានធ្វើកិច្ចប្រជុំកំពូលវីដេអូនៅថ្ងៃទី ២៥ គ្រប់ភាគីទាំងអស់បានសម្រេចចិត្តពង្រីកសមត្ថភាពផលិតវ៉ាក់សាំងនៅក្នុងសហភាពអឺរ៉ុប។

លោកស្រី Von Delane បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយនៅថ្ងៃទី ២០ ថាយោងតាមកិច្ចសន្យា ដែលបានចុះហត្ថលេខារវាង EU និង AstraZeneca ក្រុមហ៊ុនគួរតែផ្តល់វ៉ាក់សាំងចំនួន ៩០ លានដូស ទៅឲ្យសហគមន៍អ៊ឺរ៉ុបក្នុងត្រីមាសទី ១ ប៉ុន្តែមានតែប្រហែល ៣០% ប៉ុណ្ណោះ ដែលមានត្រូវបានគេផ្តល់ឱ្យរហូតមកដល់ពេលនេះ។

លោកស្រី Von Delane បាននិយាយថា សហគមន៍អ៊ឺរ៉ុបមិនបដិសេធការហាមឃាត់ក្រុមហ៊ុន AstraZeneca ពីការនាំចេញវ៉ាក់សាំង ដើម្បីបញ្ជូនសារទៅក្រុមហ៊ុន AstraZeneca ត្រូវបំពេញកិច្ចសន្យាជាមួយ EU ជាមុន ហើយចាំបញ្ជូនទៅប្រទេសផ្សេងទៀត៕