WHO ស៊ើបអង្កេតវ៉ាក់សាំង AstraZeneca បន្ទាប់ពីមានរបាយការណ៍អំពីការកកឈាម

WHO៖ លោកវេជ្ជបណ្ឌិត Tedros Adhanom Ghebreyesus អគ្គនាយកអង្គការសុខភាពពិភពលោកបានថ្លែងនៅក្នុងសន្និសីទកាសែតមួយកាលពីថ្ងៃសុក្រថា អង្គការសុខភាពពិភពលោក (WHO) កំពុងពិនិត្យឡើងវិញនូវប្រព័ន្ធសុវត្ថិភាព ហើយកំពុងវាយតម្លៃយ៉ាងហ្មត់ចត់នូវរបាយការណ៍បច្ចុប្បន្នស្តីពីវ៉ាក់សាំង AstraZeneca ។

ប្រទេសមួយចំនួនដូចជា ដាណឺម៉ាក ន័រវែស អៀកឡង់ ប៊ុលហ្គារី ថៃ ក៏ដូចជាតំបន់មួយចំនួននៅអេស្ប៉ាញ បានផ្អាកការចាក់វ៉ាក់សាំង AstraZeneca / Oxford បន្ទាប់ពីមានរបាយការណ៍អំពីការកកឈាមក្នុងជំងឺ។ ប្រទេស អ៊ីតាលី និងអូទ្រីស បានបញ្ឈប់ការប្រើប្រាស់មួយចំនួនផងដែរ ដើម្បីជាការប្រុងប្រយ័ត្ន។

WHO ដឹងថា ប្រទេសខ្លះបានផ្អាកការប្រើប្រាស់វ៉ាក់សាំង AstraZeneca ដោយផ្អែកលើរបាយការណ៍នៃការកកឈាមក្នុងមនុស្សមួយចំនួន ដែលបានទទួលវ៉ាក់សាំងពីពីរជំនាន់។ វិធានការនេះត្រូវបានធ្វើឡើងជា ការប្រុងប្រយ័ត្នខណៈការស៊ើបអង្កេតពេញលេញត្រូវបានបញ្ចប់។

ទីភ្នាក់ងារថ្នាំអឺរ៉ុបបាននិយាយថា មិនមានការបង្ហាញពីការផ្សារភ្ជាប់គ្នារវាងវ៉ាក់សាំងនិងកំណកឈាមនោះទេ ហើយវ៉ាក់សាំងអាចបន្តប្រើប្រាស់បាន នៅពេលដែលការស៊ើបអង្កេតរបស់វាកំពុងបន្ត។

គណៈកម្មការអឺរ៉ុបបាននិយាយកាលពីថ្ងៃព្រហស្បតិ៍ថា វ៉ាក់សាំង AstraZeneca នៅតែមានសុវត្ថិភាពក្នុងការប្រើប្រាស់ ទីភ្នាក់ងារថ្នាំអឺរ៉ុប (EMA) បានអនុម័តការត្រួតពិនិត្យបឋមលើករណីនេះ នៅក្នុងប្រទេសអូទ្រីស ដែលពួកគេបាននិយាយថា មិនមានការចង្អុលបង្ហាញជាក់លាក់ណាមួយ ដែលថាការចាក់វ៉ាក់សាំងនេះនាំឱ្យមានបញ្ហាទាំងនេះទេ។

ជាការឆ្លើយតបទៅនឹងរបាយការណ៍នៃការកកឈាម ក្រុមហ៊ុន AstraZeneca កាលពីថ្ងៃសុក្របាននិយាយថា មិនមានភស្តុតាងនៃការកើនឡើងនៃហានិភ័យពីការកកឈាមនោះទេ ហើយក្រុមហ៊ុននឹងគាំទ្រដល់ការស៊ើបអង្កេតនេះ៕