អង្គការ OPEC ព្យាករណ៍ថាតម្រូវការប្រេងសកលនឹងខ្ពស់ជាងឆ្នាំមុន

OPEC៖ ទីភ្នាក់ងារសារព័ត៌មានចិនស៊ិនហួរ អង្គការអ្នកនាំប្រេងចេញ (OPEC) បានចេញផ្សាយរបាយការណ៍ទីផ្សារប្រចាំខែរបស់ខ្លួននៅថ្ងៃទី ១១ ដោយព្យាករណ៍ថា តម្រូវការប្រេងសកលនឹងកើនឡើងជាមធ្យម ៩៦,៣ លានបារ៉ែលក្នុងមួយថ្ងៃនៅក្នុងឆ្នាំ ២០២១ និងកើនឡើង ៥,៩ លានបារ៉ែលចាប់ពីឆ្នាំ ២០២០ ។

របាយការណ៍បាននិយាយថា ដោយសារកត្តាដូចជាវិធានការណ៍បង្ការនិងទប់ស្កាត់ការរាតត្បាត ដែលត្រូវបានអនុម័តនៅតាមកន្លែងជាច្រើននៅអឺរ៉ុប និងអត្រាគ្មានការងារធ្វើខ្ពស់នៅអាមេរិក តម្រូវការទីផ្សារប្រេងនៅឆមាសទីមួយនៃឆ្នាំនេះ នឹងទាបជាងឆ្នាំមុន។ ទោះយ៉ាងណានៅពេល ដែលការងារចាក់វ៉ាក់សាំងជឿនលឿន ការស្ទុះងើបឡើងវិញ នៃសេដ្ឋកិច្ចនៅឆមាសទី ២ នៃឆ្នាំនេះត្រូវបានគេរំពឹងថានឹងមានកាន់តែខ្លាំងហើយតំរូវការទីផ្សារនឹងមានកំណើនខ្ពស់។

យោងតាមការប៉ាន់ប្រមាណរបស់ OPEC ក្នុងខែកុម្ភៈ ការផ្គត់ផ្គង់ប្រេងពិភពលោកមានជាមធ្យម ៩២,២៨ លានបារ៉ែលក្នុងមួយថ្ងៃ ពោលគឺមានការថយចុះ ១,៣១ លានបារ៉ែលធៀបនឹងខែមុននិងធ្លាក់ចុះពីមួយឆ្នាំទៅមួយឆ្នាំមានចំនួន ៧,៦២ លានបារ៉ែល។ ក្នុងខែនោះអង្គការ OPEC បានផលិតប្រេងជាមធ្យម ២៤,៨៥ លានបារ៉ែលក្នុងមួយថ្ងៃ ដែលទាបជាង ២៥,៥ លានបារ៉ែលក្នុងខែមករា៕