ចិន៖លោក WangYi សមាជិកនៃក្រុមប្រឹក្សាកិច្ចការរដ្ឋចិន និងជារដ្ឋមន្រ្តីក្រសួងការបរទេសចិន បានថ្លែងនៅក្រុងប៉េកាំងនៅថ្ងៃទី៧ខែមីនាថា វ៉ាក់សាំងគឺជាអាវុធសម្រាប់ទប់ស្កាត់វីរុសកូវីដ១៩ និងជាក្តីសង្ឃឹមនៃការជួយសង្គ្រោះអាយុជីវិត ដូច្នេះ គួរតែបម្រើដល់ពិភពលោកទាំងមូលនិងផ្តល់ផលប្រយោជន៍ដល់មនុស្សជាតិទាំងមូល។
លោក WangYi បានគូសបញ្ជាក់ថា ពេលបច្ចុប្បន្ន ពិភពលោកបានប្រើប្រាស់វ៉ាក់សាំងច្រើនប្រភេទ តើជ្រើសរើសវ៉ាក់សាំងប្រភេទមួយណាគឺសម្រេចដោយបណ្តាប្រទេសរៀងៗខ្លួន មិនថាវ៉ាក់សាំងរបស់ប្រទេសចិនឬក៏វ៉ាក់សាំងបរទេសក្តី ឱ្យតែមានសុវត្ថិភាពនិងប្រសិទ្ធភាព គឺជាវ៉ាក់សាំងដ៏ល្អ។
បើតាមលោក WangYi ប្រទេសចិនប្រឆាំងនឹងការធ្វើ"ជនជាតិនិយមផ្នែកវ៉ាកសាំង" មិនទទួលយក”ការបង្កើតគម្លាតភាពរស៊ាំ” ជាពិសេសប្រឆាំងនឹងឧបាយកលណាមួយដែលធ្វើឱ្យកិច្ចសហប្រតិបត្តិការផ្នែកវ៉ាក់សាំងក្លាយជាបញ្ហានយោបាយ។ ប្រទេសចិនរំពឹងទុកថា ប្រទេសទាំងឡាយដែលមានសមត្ថភាពសុទ្ធតែអាចផ្តល់វ៉ាក់សាំងប្រឆាំងកូវីដ១៩ចំពោះប្រទេសមានតម្រូវការ ជាពិសេសប្រទេសកំពុងអភិវឌ្ឍន៍ឱ្យអស់ពីលទ្ធភាព ធ្វើឱ្យប្រជាជននៃបណ្តាប្រទេសនានាមានឱកាសដែលអាចរកទិញវ៉ាក់សាំងក្នុងតម្លៃសមល្មម ធ្វើឱ្យវាក្លាយជា” វ៉ាក់សាំងរបស់ប្រជាជន”យ៉ាងពិតប្រាកដ ៕អត្ថបទ៖Cri ccfr
.PNG?1734342143)
