ចក្រភពអង់គ្លេសចាក់វ៉ាក់សាំង COVID-19 ចំនួន ១៥ លានដូសដល់ប្រជាជនងាយរងគ្រោះ

អង់គ្លេស៖ មនុស្សជាង ១៥ លាននាក់នៃក្រុមដែលងាយរងគ្រោះបំផុតនៅចក្រភពអង់គ្លេសបានទទួលការចាក់វ៉ាក់សាំងប្រឆាំង COVID-19 ដែលជាវ៉ាក់សាំងដំបូងគេ។ នេះបើយោងតាមតួលេខផ្លូវការចុងក្រោយកាលពីថ្ងៃអាទិត្យ។

នាយករដ្ឋមន្រ្តីអង់គ្លេសលោក Boris Johnson បានពណ៌នាអំពីការវិវត្តចុងក្រោយនៃការចាក់វ៉ាក់សាំងរបស់ប្រទេសនេះថាជា“ ដំណើរដ៏អស្ចារ្យ” ។

វាមានន័យថាប្រហែល ២២ ភាគរយនៃចំនួនប្រជាជនសរុបរបស់ចក្រភពអង់គ្លេសបានទទួលវ៉ាក់សាំងការពារកូវីដ១៩ ។

ប្រទេសនេះបានចាប់ផ្តើមយុទ្ធនាការចាក់ថ្នាំបង្ការរោគដ៏ធំរបស់ខ្លួន ប្រឆាំងនឹងមេរោគឆ្លងវីរុសនេះកាលពីខែធ្នូ។ យោងតាមផែនការក្រុមមនុស្សដំបូងសម្រាប់ចាក់វ៉ាក់សាំងរួមមាន មនុស្សចាស់និងបុគ្គលិកនៅតាមមណ្ឌលថែទាំ បុគ្គលិកពេទ្យជួរមុខ មនុស្សចាស់ដែលមានអាយុលើសពី ៧០ ឆ្នាំឡើងទៅនិងមនុស្សដែលងាយនឹងមានជំងឺធ្ងន់ធ្ងរបន្ទាប់ពីឆ្លងវីរុសនេះ។