ប៉ាគីស្ថាន៖ ទីភ្នាក់ងារសារព័ត៌មានចិនស៊ិនហួរ នៅទីក្រុងIslamabad យោធាប៉ាគីស្ថានបានបញ្ជាក់នៅល្ងាចថ្ងៃទី ៣ ថា កងកម្លាំងសន្តិសុខប៉ាគីស្ថានបានបើកប្រតិបត្តិការប្រឆាំងភេរវកម្មនៅតំបន់Waziristan ភាគពាយព្យដោយសម្លាប់ភេរវករ ៤ នាក់ និងកងទ័ពប៉ាគីស្ថាន ២ នាក់។ នៅក្នុងោះមានទាហានត្រូវបានសម្លាប់ និងទាហាន ៤ នាក់បានរងរបួសផងដែរ។
ការិយាល័យព័ត៌មាននៃកងកំលាំងប្រដាប់អាវុធប៉ាគីស្ថាន បានចេញសេចក្តីថ្លែងការណ៍មួយ ដោយបញ្ជាក់ថា កងកំលាំងសន្តិសុខប៉ាគីស្ថាន បានបើកប្រតិបត្តិការបន្ទាប់ពីពួកគេ បានរកឃើញក្រុមភេរវករនៅក្នុងតំបន់ Mir Ali ។ បន្ទាប់ពីកម្លាំងសន្តិសុខបានបិទតំបន់ពាក់ព័ន្ធក្រុមភេរវករបានបើកការបាញ់ទៅលើកម្លាំងសន្តិសុខ។
សេចក្តីថ្លែងការណ៍បានបញ្ជាក់ថា ក្រុមភេរវករទាំងនេះបានចូលរួមក្នុងសកម្មភាពដូចជា ការចាប់ជំរិតយកប្រាក់ វាយប្រហារកម្លាំងសន្តិសុខ និងការបង្កើតការផ្ទុះ។ សេចក្តីថ្លែងការណ៍មិនបានបញ្ជាក់ពីការរៀបចំរបស់ភេរវករនិងពេលវេលាជាក់លាក់នៃប្រតិបត្តិការប្រឆាំងភេរវកម្មនោះទេ។
តំបន់Waziristan ខាងជើងនៃប្រទេសប៉ាគីស្ថានជាប់ព្រំដែនអាហ្វហ្គានីស្ថាន ជារឿយៗត្រូវបានប្រើជាកន្លែងលាក់ខ្លួនរបស់ពួកភេរវករ៕
