ប្រព័ន្ធផ្សព្វផ្សាយអាមេរិក៖ ការផ្ទុះឡើងបានធ្វើឱ្យប៉ះពាល់ដល់បណ្តាញផ្គត់ផ្គង់សកល

អាមេរិក៖ ទីភ្នាក់ងារសារព័ត៌មានចិនស៊ីនហួរ "ព័ត៌មានយោង" បានចុះផ្សាយអត្ថបទមួយពីគេហទំព័រវ៉ាស៊ីនតោនប៉ុស្តិ៍នៅថ្ងៃទី ២៦ "បន្ទាប់ពីការរីករាលដាលនៃកូវីដ១៩បានបំផ្លាញខ្សែសង្វាក់ផ្គត់ផ្គង់ពិភពលោក" ។

បញ្ហាដឹកជញ្ជូនថ្មីដែលនាំមកដោយជំងឺរាតត្បាតកំពុងពន្យារពេលការនាំចេញផលិតផលកសិកម្មរបស់សហរដ្ឋអាមេរិក ដែលរារាំងផលិតកម្មនិងអាចនាំឱ្យតម្លៃផលិតផល អ្នកប្រើប្រាស់នៅសហរដ្ឋអាមេរិកកើនឡើងខ្ពស់។

យោងតាមសន្ទស្សន៍Balticចាប់តាំងពីដើមខែវិច្ឆិកាឆ្នាំមុន ថ្លៃដឹកទំនិញបានកើនឡើង ៨០% ហើយបានកើនឡើងជិតបីដងក្នុងឆ្នាំកន្លងមក។ ការកើនឡើងនេះ ឆ្លុះបញ្ចាំងពីការផ្លាស់ប្តូរយ៉ាងខ្លាំងនៃការប្រើប្រាស់ក្នុងកំឡុងពេលមានការរីករាលដាល អ្នកប្រើប្រាស់បានប្រើប្រាស់លុយពីដើម ដើម្បីបរិភោគឬមើលភាពយន្ត ទិញសម្លៀកបំពាក់ កុំព្យូទ័រ គ្រឿងសង្ហារឹម និងទំនិញផ្សេងទៀត ដែលបង្កើតកំណត់ត្រាប្រើប្រាស់ថ្មីសម្រាប់ទំនិញទាំងនេះ។

ការផ្លាស់ប្តូរការប្រើប្រាស់ភ្លាមៗ ដែលមិនធ្លាប់មានពីមុនមក បានធ្វើឱ្យគំរូពាណិជ្ជកម្មដែលមានជាយូរមកហើយនិងបង្កើតឱ្យមាន "ឧបសគ្គនៃការដឹកជញ្ជូន" ពីរោងចក្រចិនដល់អតិថិជនអាមេរិក។ អ្នកនាំចេញមន្ត្រីកំពង់ផែនិងអ្នកជំនាញផ្នែកពាណិជ្ជកម្មនិយាយថា ផលប៉ះពាល់នៃការរីករាលដាលនៃកូវីដ១៩ បានលាតត្រដាងពីភាពផុយស្រួយនៃបណ្តាញពាណិជ្ជកម្មឆ្លងកាត់ព្រំដែន។

អ្នកធ្វើអាជីវកម្មកំពុងចាប់ផ្តើមព្រួយបារម្ភអំពីក្តីសង្ឃឹមនៃការឡើងថ្លៃដឹកទំនិញ ខណៈថ្លៃដើមនៃផលិតផលឧស្សាហកម្ម ដែលបាននាំចូលកើនឡើង ៤,២% នៅក្នុងខែធ្នូឆ្នាំមុន កើនឡើង ២៧% ពីចំណុចទាបបំផុតក្នុងខែមេសាឆ្នាំមុន ហើយអ្នកផលិតបានត្អូញត្អែរអំពីកង្វះខាតវត្ថុធាតុដើម ដូចជាដែកថែបជាដើម។

ក្នុងរយៈពេលប៉ុន្មានខែថ្មីៗនេះ អតិថិជនបានជួបប្រទះនឹងកង្វះខាតនៃឧបករណ៍ប្រើប្រាស់ក្នុងផ្ទះនិងសម្លៀកបំពាក់មួយចំនួន។ កាលពីខែមុនតម្លៃទំនិញនាំចូលសរុបបានកើនឡើង ០,៩ ភាគរយ ដែលជាការកើនឡើងខ្ពស់បំផុតចាប់តាំងពីខែសីហាឆ្នាំមុន៕