Khmer suport khmer cc time

រដ្ឋាភិបាលចិនផ្តល់ «អាហារូបករណ៍ថ្នាក់អនុបណ្ឌិត និងបណ្ឌិត» ទៅបន្តការសិក្សានៅសាកលវិទ្យាShangHai Ocean University

យុវជន
/
អ្នកយកព័ត៌មាន:
សែម សុវណ្ណរត្ន
/

ភ្នំពេញ៖ រដ្ឋាភិបាលប្រទេសចិន កំពុងបើកទទួលពាក្យអាហារូបករណ៍ប្រភេទ B (CSC Type B) ថ្នាក់អនុបណ្ឌិត និងបណ្ឌិតដល់និស្សិតទៅបន្តការសិក្សានៅសាកលវិទ្យាល័យ Shanghai Ocean University ប្រទេសចិន។ នៅក្នុងនោះ និស្សិតអាហារូបករណ៍អាចទទួលបានប្រាក់ឧបត្ថម្ភរហូតដល់ ៣៥០០យ័នក្នុងមួយខែ ហើយនិស្សិតថ្នាក់បណ្ឌិតអាចរើសជំនាញសិក្សារហូតដល់ ៧ជំនាញ និងនិស្សិតថ្នាក់អនុបណ្ឌិតអាចរើសជំនាញសិក្សារហូតដល់ ៩ជំនាញ។

យោងតាមគេហទំព័ររបស់សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ACSC) ដើម្បីដាក់ពាក្យអាហារូបករណ៍និស្សិតថ្នាក់អនុបណ្ឌិតត្រូវមានសញ្ញាបរិញ្ញាបត្រ និងមានអាយុមិនលើសពី ៣០ឆ្នាំ ព្រមទាំងត្រូវមានសញ្ញាបត្រថ្នាក់អនុបណ្ឌិត និងអាយុមិនលើសពី ៣៥ឆ្នាំ សម្រាប់ថ្នាក់បណ្ឌិត ហើយចំពោះកម្រិតថ្នាក់ទាំងពីរនេះ បេក្ខជនត្រូវតែធ្លាប់បោះពុម្ភអត្ថបទស្រាវជ្រាវវិទ្យាសាស្ត្រយ៉ាងតិច ១ និងមានលទ្ធផលសិក្សា GPA យ៉ាងហោច ៣.០។

បើតាមប្រភពដដែល ដើម្បីដាក់ពាក្យ បេក្ខជនត្រូវទាក់ទងសាស្ត្រាចារ្យដឹកនាំនៅសាកលវិទ្យាល័យ SHOU ជាមុនដើម្បីស្នើសុំការយល់ព្រម និងហត្ថលេខាលើគម្រោងស្រាវជ្រាវ។ បន្ទាប់មក បេក្ខជនត្រូវដាក់ពាក្យតាម តំណភ្ជាប់ប្រព័ន្ធសាកលវិទ្យាល័យ និង តំណភ្ជាប់ក្រុមប្រឹក្សាអាហារូបករណ៍ ឱ្យបានត្រឹមថ្ងៃទី០១ ខែកុម្ភៈ ឆ្នាំ២០២៧។ ពេលចុះឈ្មោះ ត្រូវប្រើកូដស្ថាប័ន Agency Code: 10264 និងជ្រើសរើសអាហារូបករណ៍ Type-B។

ជាមួយគ្នា បេក្ខជនត្រូវមានឯកសារដូចជា លិខិតឆ្លងដែន, រូបថត, សញ្ញាបត្រ, និងព្រឹត្តិបត្រពិន្ទុ វិញ្ញាបនបត្របញ្ជាក់សមត្ថភាពភាសា IELTS 6.0 ឬ TOEFT iBT 80ឡើងទៅ ឬ HSK កម្រិត ៥ ពិន្ទុចាប់ពី ១៨, គម្រោងស្រាវជ្រាវ ដែលចុះហត្ថលេខាដោយគ្រូដឹកនាំ SHOU, ប្រវត្តិរូបសង្ខេប, លិខិតឧទ្ទេសនាម ២ច្បាប់, លិខិតពិនិត្យសុខភាព, លិខិតថ្កោលទោស, និងលិខិតបញ្ជាក់លទ្ធភាពហិរញ្ញវត្ថុ។ បន្ថែមពីនេះ បេក្ខជនត្រូវធ្វើវីដេអូណែនាំខ្លួន និងជំនាញដែលខ្លួនចង់សិក្សាជាភាសាអង់គ្លេស ឬភាសាចិនរយៈពេល ៣នាទី។

គួរបញ្ជាក់ថា ថ្នាក់អនុបណ្ឌិតត្រូវរៀន ៣ឆ្នាំ និងថ្នាក់បណ្ឌិតត្រូវរៀន ៤ឆ្នាំ ហើយអាហារូបករណ៍នឹងឧបត្ថម្ភថ្លៃសិក្សា កន្លែងស្នាក់នៅ ប្រាក់ឧបត្ថម្ភប្រចាំខែពី ៣០០០ ទៅ ៣៥០០យ័ន និងធានារ៉ាប់រងសុខភាព៕

Khcct banner

អត្ថបទទាក់ទង