បុករះរថយន្តជាច្រើនគ្រឿង ក្នុងខេត្តប្រាជីនបុរី ប្រទេសថៃ សម្លាប់មនុស្ស យ៉ាងហោច៣នាក់

ប្រាជីនបុរី៖ នៅថ្ងៃសុក្រនេះ យ៉ាងហោច៣នាក់ បានស្លាប់ ក្នុងហេតុការណ៍ រថយន្តសណ្ដោងរ៉ឺម៉កធុនធំមួយគ្រឿង បានបើកបុករះរថយន្តជាច្រើនគ្រឿង ដែលកំពុងចតនៅតាមបណ្ដោយផ្លូវមុខធនាគារមួយកន្លែង ក្នុងស្រុកប្រាចាន់តាខាំ (Prachantakham) ខេត្តប្រាជីនបុរី ប្រទេសថៃ បង្កឱ្យមានការឆាបឆេះយ៉ាងសន្ធោសន្ធៅ។

យោងតាមសារព័ត៌មានខាវស៊ត ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានបណ្ដាលឱ្យមនុស្សចំនួន ៣នាក់ បាត់បង់ជីវិត និង ៩នាក់ផ្សេងទៀត រងរបួស៕