ភ្នំពេញ៖ វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសផ្តល់អាហារូបករណ៍ ១០០% ចំនួន ៣៩០កន្លែង ដល់សិស្សបញ្ចប់ទី១២ ទាំងប្រឡងជាប់ ឬធ្លាក់សញ្ញាបត្រមធ្យមសិក្សាទុតិយភូមិ និងប្រឡងជាប់សញ្ញាបត្របច្ចេកទេស និងវិជ្ជាជីវៈកម្រិត៣ ឱ្យសិក្សាកម្រិតសញ្ញាបត្រជាន់ខ្ពស់បច្ចេកទេស លើជំនាញចំនួន៣។
យោងតាមគេហទំព័រផ្លូវការរបស់ NPIC បានឱ្យដឹងថា អាហារូបករណ៍ទាំង ៣៩០កន្លែងមានដូចជា បច្ចេកវិទ្យាបន្ស៊ីលោហៈ ( Machining Technology) ១៥០កន្លែង , សរសេរកម្មវិធី(Programming) ១២០ កន្លែង , និងបណ្តាញព័ត៌មានវិទ្យា(IT Networks) ១២០កន្លែង។
បើតាមប្រភពដដែល ដើម្បីដាក់ពាក្យយុវជនត្រូវត្រៀមនូវឯកសារដូចជា ពាក្យស្នើសុំសិទ្ធិជាបេក្ខជនប្រឡងជ្រើសរើសអាហារូបករណ៍, ជីវប្រវត្តិសង្ខេប, បង្កាន់ដៃទទួលពាក្យស្នើសុំសិទ្ធិជាបេក្ខជនប្រឡងជ្រើសរើសអាហារូបករណ៍, សញ្ញាបត្រ ឬវិញ្ញាបនបត្រថតចម្លង, សំបុត្រកំណើតថតចម្លង, និងអត្តសញ្ញាណប័ណ្ណថតចម្លង។
គួរបញ្ជាក់ បេក្ខជនត្រូវយកសំណុំឯកសារទាំងនេះ ទៅដាក់ពាក្យដោយផ្ទាល់នៅ NPIC ឱ្យបានត្រឹម ថ្ងៃទី២៧ ខែវិច្ឆិកា ឆ្នាំ២០២៦ ហើយសម្រាប់ព័ត៌មានបន្ថែមសូមទាក់ទងទៅកាន់លេខ 016 246 536 សម្រាប់ជំនាញ Machining Technology និង 010 792 027 សម្រាប់ជំនាញ IT Networks និង Programming៕
