ព្រះសីហនុ៖ នាវាទេសចរណ៍លំដាប់ពិភពលោក Villa Vie Odyssey ដែលកំពុងស្ថិតនៅខេត្តព្រះសីហនុ បានស្នើសុំបន្តចតនៅកំពង់ផែស្វយ័តក្រុងព្រះសីហនុ រយៈពេល ៤ថ្ងៃទៀត បន្ទាប់ពីស្នាក់នៅទីនេះអស់មួយរយៈ។ នេះបើតាមការបញ្ជាក់របស់អាជ្ញាធរខេត្តព្រះសីហនុ នៅព្រឹកថ្ងៃទី៣១ ខែតុលា ឆ្នាំ២០២៦។
អាជ្ញាធរបានឱ្យដឹងថា បច្ចុប្បន្ន ភ្ញៀវទេសចរជាង ២០០នាក់ ដែលធ្វើដំណើរតាមនាវានេះ បានចាកចេញពីនាវាអស់ហើយ ដោយបន្តដំណើរកម្សាន្តទៅកាន់គោលដៅផ្សេងៗ តាមមធ្យោបាយធ្វើដំណើរតាមផ្លូវអាកាស ផ្លូវទឹក និងផ្លូវគោក។
ចំណែកអ្នកដែលបន្តស្នាក់នៅលើនាវា គឺមានតែក្រុមនាវិកជាង ១០០នាក់ប៉ុណ្ណោះ។ ការបញ្ជាក់នេះធ្វើឡើងដោយអាជ្ញាធរខេត្តព្រះសីហនុ នៅព្រឹកថ្ងៃទី៣១ ខែតុលា ឆ្នាំ២០២៦៕
