រញ្ជួយដីកម្រិត ៧.០ រ៉ិចទ័រ វាយប្រហារភាគខាងត្បូងនៃប្រទេសជប៉ុន

តូក្យូ៖ ទីភ្នាក់ងារឧតុនិយមជប៉ុនបានរាយការណ៍ថា គ្រោះរញ្ជួយដីកម្រិត ៧.០ រ៉ិចទ័រ បានកើតឡើងនៅវេលាម៉ោងប្រហែល ១១:១០ ព្រឹកកាលពីថ្ងៃអាទិត្យ ទី២៥ ខែតុលា ឆ្នាំ២០២៦ នៅក្នុងជម្រៅជ្រៅប្រហែល ៤៧០ គីឡូម៉ែត្រ (២៩០ ម៉ាយ) ក្រោមបាតមហាសមុទ្រប៉ាស៊ីហ្វិក ភាគខាងលិចប្រជុំកោះ Ogasawara ដែលស្ថិតនៅចម្ងាយប្រហែល ១.០០០ គីឡូម៉ែត្រភាគខាងត្បូងរាជធានីតូក្យូ។ អាជ្ញាធរបានបញ្ជាក់ជាផ្លូវការថា ហេតុការណ៍នេះពុំបានបង្កឱ្យមានគ្រោះថ្នាក់រលកយក្សស៊ូណាមិ នោះទេ ហើយក៏ពុំទាន់មានសេចក្តីរាយការណ៍អំពីការបាត់បង់ជីវិត ឬការខូចខាតទ្រព្យសម្បត្តិណាមួយនៅឡើយដែរ។

បើតាមការបញ្ជាក់ពីទីភ្នាក់ងារសារព័ត៌មាន Kyodo News ថ្វីបើចំណុចកណ្តាលនៃការរញ្ជួយស្ថិតនៅឆ្ងាយខ្លាំងយ៉ាងណាក្តី ប៉ុន្តែរលកនៃការរញ្ជួយត្រូវបានគេដឹងថាបានធ្វើដំណើរឆ្លងកាត់បន្ទះសំបកផែនដីប៉ាស៊ីហ្វិក (Pacific plate) ធ្វើឱ្យតំបន់ភាគខាងកើត និងភាគឦសានប្រទេសជប៉ុនអាចមានអារម្មណ៍ដឹងពីការរញ្ជួយនេះ។ គួររម្លឹកថាប្រជុំកោះ Ogasawara ដែលស្ថិតនៅលើកោះ Chichijima និង Hahajima ត្រូវបានវាស់វែងឃើញកម្រិតរញ្ជួយជម្រៅ scale ៣ (ក្នុងចំណោម ០ ដល់ ៧ របស់ជប៉ុន)។ ទីតាំងនេះស្ថិតនៅក្នុងតំបន់ Izu-Bonin-Mariana ដែលជាតំបន់សកម្មខ្លាំងខាងភូមិសាស្ត្ររញ្ជួយដី ខណៈរដ្ឋាភិបាលជប៉ុនក៏បានបន្តព្រមានពីលទ្ធភាពពី ៧០ ទៅ ៨០ ភាគរយ ដែលអាចនឹងមានគ្រោះរញ្ជួយដីកម្រិត ៨ ទៅ ៩ កើតឡើងនៅតំបន់ Nankai Trough ក្នុងរយៈពេល ៣០ ឆ្នាំខាងមុខ៕