ភ្នំពេញ៖ យុវជនមួយក្រុម ដែលរួមមាន សាស្ត្រាចារ្យ បុគ្គលិកមកពីស្ថាប័នរដ្ឋ និងនិស្សិត កំពុងចូលរួម «កិច្ចប្រជុំកំពូលយុវជនអាស៊ាន-រុស្ស៊ីលើកទី ៦» ដែលប្រព្រឹត្តទៅនៅថ្ងៃទី ២១-២៥ ខែតុលា ឆ្នាំ ២០២៦ នៅសាកលវិទ្យាល័យ Far Eastern Federal ក្នុងទីក្រុង Vladivostok ប្រទេសរុស្ស៊ី ជាមួយនឹងប្រតិភូប្រមាណ ១០០នាក់មកពីបណ្តាប្រទេសក្នុងអាស៊ាន និងរុស្សី។
យោងតាមគេហទំព័រផ្លូវការរបស់ សមាគមន៍អតីតនិស្សិតកម្ពុជាពីសូវៀតនិងរុស្សី យុវជនទាំងប្រាំបីរូប មានដូចជា សាស្ត្រាចារ្យ មកពីវិទ្យាស្ថានសិក្សាអន្តរជាតិ និងគោលនយោបាយសាធារណៈ (IISPP) , មន្ត្រីមកពី ទីស្តីការគណៈរដ្ឋមន្ត្រី ១រូប, មន្ត្រីមកពី ក្រសួងមុខងារសាធារណៈ ១រូប, និង និស្សិត ៤រូប មកពីសាកលវិទ្យាល័យអាមេរិកាំងភ្នំពេញ។
គួរបញ្ជាក់ថា កិច្ចប្រជុំកំពូលនេះនឹងប្រមូលផ្តុំយុវជនជាង ១០០ នាក់ ដែលមាន១៨ ដល់ ៣៥ឆ្នាំ ព្រមទាំងជានិស្សិត តំណាងអង្គការក្រៅរដ្ឋាភិបាល ឬអ្នកមានជំនាញវិជ្ជាជីវៈ ពិភាក្សាលើប្រធានបទ “A Dialogue of Cultures and the Creative Power of Progress” ដើម្បីផ្លាស់ប្តូរគំនិត និងស្វែងយល់ពីឱកាសថ្មីៗសម្រាប់កិច្ចសហប្រតិបត្តិការក្នុងការចូលរួមរបស់យុវជនអន្តរជាតិ ឌីជីថល និងបញ្ញាសិប្បនិម្មិត មហាសមុទ្រពិភពលោក ឧស្សាហកម្មច្នៃប្រឌិត និងវិស័យផ្សេងៗទៀតដែលផ្តល់ផលប្រយោជន៍រួម។
