ភ្នំពេញ៖ ក្រសួងអប់រំ យុវជន និងកីឡា នាថ្ងៃទី៥ កញ្ញានេះ បានប្រកាសពីការជ្រើសរើសគ្រូបង្រៀនកិច្ចសន្យាកម្រិតមធ្យមសិក្សា ដើម្បីបង្រៀននៅវិទ្យាល័យ និងអនុវិទ្យាល័យ ប្រមាណ ៣០០០នាក់។
បើតាមក្រសួងអប់រំ នាពេលឆាប់ៗខាងមុខនេះ គណៈកម្មការរៀបចំការប្រឡងប្រជែង នឹងប្រកាសរៀបចំការប្រឡងជ្រើសរើសគ្រូបង្រៀនថ្មី ដែលជាគ្រូបង្រៀនផ្អែកលើកិច្ចព្រមព្រៀងការងារ (កិច្ចសន្យា) កម្រិតមធ្យមសិក្សា (សម្រាប់កម្រិតអនុវិទ្យាល័យ និងវិទ្យាល័យ) ក្នុងរង្វង់ប្រមាណ ៣,០០០នាក់។
សម្រាប់បេក្ខជនដែលមានចំណាប់អារម្មណ៍ សូមតាមដានព័ត៌មានអំពីការរៀបចំការប្រឡងតាមរយៈក្រសួងមុខងារសាធារណៈ៕
