ភ្នំពេញ៖ Erasmus Mundus MARIHE 2027 កំពុងជ្រើសរើសយុវជនដើម្បីសិក្សាថ្នាក់អនុបណ្ឌិតជំនាញការស្រាវជ្រាវ និងនវានុវត្តន៍ក្នុងការអប់រំកម្រិតឧត្តមសិក្សា រយៈពេល២ឆ្នាំ។ បេក្ខជនជ័យលាភីនៃអាហារូបករណ៍នេះ មានឱកាសទទួលបានសញ្ញាបត្រ ២ ឡើងទៅ និងបទពិសោធន៍សិក្សាប្រមាណ៤ប្រទេស។
កម្មវិធីសិក្សានេះ សម្រាប់ថ្នាក់អនុបណ្ឌិតជំនាញការស្រាវជ្រាវ និងនវានុវត្តន៍ក្នុងការអប់រំកម្រិតឧត្តមសិក្សា។ និស្សិត នឹងទទួលបានអាហារូបករណ៍សិក្សារយៈពេល២ឆ្នាំ ប្រាក់ឧបត្ថម្ភប្រចាំខែ សេវាធានារ៉ាប់រងសុខភាព ទទួលបានសញ្ញាបត្រ ២ ឬ៣ និងបទពិសោធន៍សិក្សានៅប្រទេសប្រមាណ៤ ក្នុងតំបន់អាស៊ី និងអឺរ៉ុប។ ក្នុងឆមាសទី១ បេក្ខជននឹងទៅសិក្សានៅប្រទេសAustria ឆមាសទី២ នៅប្រទេសFinland។
សម្រាប់ឆមាសទី៣ បេក្ខជនត្រូវសិក្សានៅ២តំបន់ រួមមានអាស៊ី និងអឺរ៉ុប។ តំបន់អាស៊ី បេក្ខជនមាន២ជម្រើសរួមមាន៖ ប្រទេសចិន និងឥណ្ឌា (បេកក្ខជនអាចជ្រើសរើសបាន១)។ បន្ទាប់នឹងទៅតំបន់អឺរ៉ុបម្តង ដោយបេក្ខជនអាចជ្រើសរើសរួមមាន៖ Austria, Finland, Germany, Hungary, Portugal (បេក្ខជនអាចជ្រើសរើសបាន១)។ ចំពោះឆមាសទី៤ អាចសិក្សាជំនាញនៅតំបន់អាស៊ី ឬអឺរ៉ុប។
ឯកសារដែលត្រូវការ រួមមានលិខិតឆ្លងដែន ប្រវត្តិរូបសង្ខេប (CV) លិខិតលើកទឹកចិត្ត (LoM) វិញ្ញាបនបត្រ/សញ្ញាបត្រពីសាកលវិទ្យាល័យ ប្រតិបត្តិពិន្ទុ សញ្ញាបត្របញ្ជាក់ពីសមត្ថភាពភាសាអង់គ្លេស IELTS/TOEFL iBT/PTE/Cambridge លិខិតអនុសាសន៍ចំនួន២(Two letters of recommendation) និងអត្ថបទ។
បេក្ខជនដែលមានចំណាប់អារម្មណ៍សម្រាប់អាហារូបករណ៍នេះ អាចអានព័ត៌មានបន្ថែម និងដាក់ពាក្យតាមរយៈ https://www.marihe.eu/ ដាក់ពាក្យយ៉ាងយូរត្រឹមថ្ងៃទី២១ កញ្ញា ២០២៦៕
.png?1783584825)