ចិននឹងបញ្ចប់ការបាញ់បង្ហោះផ្កាយរណប ១,០០០ គ្រឿងនៅឆ្នាំ ២០៣២

ចិន៖ ប្រទេសចិន រំពឹងថានឹងបញ្ចប់ការបង្កើតបណ្តាញអវកាសដែលនឹងបាញ់ផ្កាយរណបចំនួន ១០០០ គ្រឿងទៅកាន់លំហ នៅឆ្នាំ២០៣២ ដែលនេះជាជំហានគន្លឹះមួយនៃគម្រោង «Three-Body Computing Constellation» របស់មន្ទីរពិសោធន៍ Zhejiang Lab ក្នុងគោលបំណងបញ្ជូនបច្ចេកវិទ្យា AI ទៅកាន់អវកាសដើម្បីដំណើរការទិន្នន័យផ្ទាល់នៅលើគន្លង។

បើតាមលោក Wang Jian នាយកមន្ទីរពិសោធន៍ Zhejiang Lab បានពន្យល់នៅក្នុងបទសម្ភាសន៍ជាមួយប្រព័ន្ធផ្សព្វផ្សាយមជ្ឈិមចិន (CMG) ថា ការកំណត់គោលដៅផ្កាយរណប ១០០០ គ្រឿង គឺដើម្បីធានាបាននូវថាមពលគណនាគ្រប់គ្រាន់ និងការតភ្ជាប់គ្នាយ៉ាងរឹងមាំ ដោយសារតែបើគ្មានដង់ស៊ីតេគ្រប់គ្រាន់ទេ ភាពអត់ធ្មត់ចំពោះកំហុសបច្ចេកទេសនឹងមានកម្រិតទាប ដូចទៅនឹងប្រព័ន្ធ Cloud Computing។

លោកបានបន្ថែមថា បណ្តាញផ្កាយរណបដែលតភ្ជាប់នេះ នឹងផ្លាស់ប្តូរប្រសិទ្ធភាពនៃការប្រើប្រាស់យ៉ាងខ្លាំង ដោយធានាថាគ្រប់ទីកន្លែងទាំងអស់នៅលើផែនដី នឹងមានផ្កាយរណបនៅលើអាកាសយ៉ាងហោចណាស់មួយក្នុងរយៈពេល ៣ នាទី ដែលជាដំណោះស្រាយដ៏ប្រសើរចំពោះបញ្ហាក្នុងពេលវេលាទាន់ហេតុការណ៍។

គួរបញ្ជាក់ថា Zhejiang Lab គឺជាវិទ្យាស្ថានស្រាវជ្រាវផ្តោតលើបច្ចេកវិទ្យាឈានមុខគេ និងជាកម្លាំងចលករដ៏រឹងមាំមួយក្នុងវិស័យគណនាយន្តអវកាស។ វិទ្យាស្ថានស្រាវជ្រាវនេះ ស្ថិតនៅក្នុងទីក្រុងហាំងចូវ ខេត្តចេជាំង ភាគខាងកើតប្រទេសចិន៕