ស្ថានទូតអាម៉េរិកនៅកម្ពុជា ផ្តល់អាហារូបករណ៍ជំនាញបង្រៀនភាសាអង់គ្លេស ដោយឥតគិតថ្លៃ

ភ្នំពេញ៖ ស្ថានទូតអាម៉េរិកនៅកម្ពុជា កំពុងបើកអាហារូបករណ៍កម្មវិធី Online Professional English Network (OPEN) សម្រាប់វគ្គសិក្សាថ្មី ដល់អ្នកដែលកំពុងបំពេញការងារក្នុងវិស័យអប់រំផ្នែកភាសាអង់គ្លេស ពង្រឹងសមត្ថភាព និងជំនាញក្នុងការបង្រៀនភាសាអង់គ្លេស ដោយឥតគិតថ្លៃ។

កម្មវិធី Online Professional English Network នឹងផ្តល់ជូនការសិក្សារយៈពេល៨សប្តាហ៍ ជាមួយនឹងសាស្ត្រាចារ្យល្បីៗ តាមរយៈអនឡាញ សិក្សាលើកម្រិតសាកលវិទ្យាល័យ សម្រាប់អ្នកដែលកំពុងបំពេញការងារក្នុងវិស័យអប់រំផ្នែកភាសាអង់គ្លេស។ ការសិក្សានឹងចាប់ផ្តើម ចាប់ពីថ្ងៃទី ២២ ខែកញ្ញា ដល់ថ្ងៃទី ១៦ ខែវិច្ឆិកា ឆ្នាំ ២០២៦។

ចំពោះលក្ខខណ្ឌ បេក្ខជនត្រូវតែជាមានសញ្ជាតិខ្មែរ ជាអ្នកជំនាញភាសាអង់គ្លេស មានការប្តេជ្ញាចិត្ត និងសន្យាថាអាចបញ្ចប់វគ្គសិក្សា មានជំនាញអាន និងសរសេរភាសាអង់គ្លេសខ្លាំង (យ៉ាងហោចណាស់ 550 TOEFL ឬសមមូល) ត្រូវតែជាអ្នករស់នៅកម្ពុជា ក្នុងរយៈពេលវគ្គសិក្សា និងអ្នកដែលមិនបានចូលរួមវគ្គសិក្សា E-Teacher ឬវគ្គសិក្សាអនឡាញ OPEN Global ក្នុងរយៈពេលបីឆ្នាំចុងក្រោយនេះ។

សម្រាប់បេក្ខជនដែលមានចំណាប់អារម្មណ៍លើអាហារូបករណ៍នេះ សូមដាក់ពាក្យតាមរយៈ 2026 Online Professional English Network (OPEN) Program Application Form, Fall Term យ៉ាងយូរត្រឹមថ្ងៃទី ២៧ ខែ សីហា ឆ្នាំ ២០២៦៕