ចិន-ហ្វីលីពីន សហការចាប់បញ្ជូនខ្លួន«មេខ្លោងOnline scams» ម្នាក់ ទៅកាត់ទោសនៅចិន

ម៉ានីល៖ ស្ថានទូតចិនប្រចាំប្រទេសហ្វីលីពីន បានឱ្យដឹងនៅថ្ងៃទី១៥ ខែកក្កដា ថា អាជ្ញាធរចិន និងហ្វីលីពីន បានសហការគ្នាចាប់ខ្លួន និងបញ្ជូនត្រឡប់ទៅប្រទេសចិនវិញ នូវជនជាតិចិនម្នាក់ត្រគោល លីន (Lin) ដែលជាប់សង្ស័យរៀបចំល្បែងស៊ីសងឆ្លងដែន និងឆបោកតាមប្រព័ន្ធទូរគមនាគមន៍(Online Scams)។

តាមសេចក្តីប្រកាស ក្រុមដែលលោក លីន ជាប់ពាក់ព័ន្ធ ធ្លាប់បានបង្កើតមូលដ្ឋានប្រតិបត្តិការល្បែងអនឡាញ និងឆបោកនៅប្រទេសហ្វីលីពីន កម្ពុជា និងប្រទេសមួយចំនួនទៀត។ ក្រុមនេះបានប្រើប្រាស់គេហទំព័រល្បែងស៊ីសង និងកម្មវិធីទូរស័ព្ទបោកបញ្ឆោត ដើម្បីប្រព្រឹត្តបទល្មើសឆ្លងដែន ដោយមានទឹកប្រាក់ពាក់ព័ន្ធសរុបរាប់រយលានយ័ន៕