ចិន៖លោកស៊ីជីនភីងប្រធានរដ្ឋចិនបានជួបពិភាក្សាតាមទូរស័ព្ទជាមួយលោកភូទីនប្រធានាធិបតីរុស្ស៊ីកាលពីល្ងាចថ្ងៃទី ២៨ ខែធ្នូ។ ប្រមុខរដ្ឋនៃប្រទេសទាំង ២ បានសម្តែងការសួរសុខទុក្ខឆ្នាំថ្មីទៅវិញទៅមកនិងជូនពរប្រជាជនចិននិងរុស្ស៊ីឱ្យជួបប្រទះតែសេចក្តីសុខក្នុងឆ្នាំថ្មី។
លោកស៊ីជីនភីងបានថ្លែងថាឆ្នាំ ២០២០ គឺជាឆ្នាំដ៏មិនធម្មតាមួយមិនថានិយាយចំពោះប្រទេសទាំងពីរចិននិងរុស្ស៊ីឬពិភពលោកទាំងមូលនោះទេ។ ប្រទេសទាំងពីរបានដឹកនាំកិច្ចសហប្រតិបត្តិការអន្តរជាតិដើម្បីប្រឆាំងនឹងការរីករាលដាលនៃជំងឺឆ្លងនិងជំរុញការរួមគ្នាកសាង“ ខ្សែក្រវាត់និងផ្លូវ” តភ្ជាប់ជាមួយសម្ព័ន្ធសេដ្ឋកិច្ចអឺរ៉ុបនិងអាស៊ី។ រួមគ្នាអបអរសាទរជ័យជម្នះនៃសង្គ្រាមប្រឆាំងហ្វាស៊ីសពិភពលោកនិងខួប៧៥នៃការបង្កើតអង្គការសហប្រជាជាតិ ក៏ដូចជាបានដើរតួនាទីឈានមុខគេក្នុងក្របខ័ណ្ឌពហុភាគីដូចជាប្រទេស G20 អង្គការសហប្រតិបត្តិការសៀងហៃនិងប្រទេស BRICS ជាដើមដោយបានក្លាយជាកម្លាំងស្នូលនៃការថែរក្សាសច្ចយុត្តិធម៌អន្តរជាតិនិងការអនុវត្តពហុភាគីនិយម។
ជាការឆ្លើយតប លោកភូទីនបានថ្លែងថា ទោះបីរងផលប៉ះពាល់ពីការរាតត្បាតនៃជំងឺកូវីដ១៩នៅឆ្នាំនេះក៏ដោយ ក៏ទំនាក់ទំនងរុស្ស៊ី - ចិនមានការរីកចម្រើនប្រកបដោយស្ថិរភាពដែលភាគីទាំងពីរបានគាំទ្រគ្នាក្នុងការប្រយុទ្ធប្រឆាំងនឹងការរីករាលដាលនៃជំងឺឆ្លងហើយកិច្ចសហប្រតិបត្តិការលើវិស័យផ្សេងៗដូចជាសេដ្ឋកិច្ច ពាណិជ្ជកម្ម និងថាមពលជាដើមបានវិវឌ្ឍរីកចម្រើនទៅមុខជាបន្តបន្ទាប់។ ប្រទេសរុស្ស៊ីប្រកាន់ខ្ជាប់យ៉ាងមុតមាំក្នុងការជំរុញការអភិវឌ្ឍដោយកម្រិតខ្ពស់នៃទំនាក់ទំនងភាពជាដៃគូសម្របសម្រួលនិងសហការជាយុទ្ធសាស្ត្រគ្រប់ជ្រុងជ្រោយរវាងរុស្ស៊ីនិងចិន។
.PNG?1734342143)
