ចិន៖ ប្រធានាធីបតីចិននិងរុស្ស៊ីបានប្រកាសប្តេជ្ញាធ្វើឱ្យមិត្តភាពនៃប្រទេសទាំងពីរបន្តពីមួយជំនាន់ទៅមួយជំនាន់។ ក្នុងជំនួបជាមួយលោកស៊ីជិនពីងកាលពីថ្ងៃពុធម្សិលមិញលោក ពូទីន បានប្រាប់លោកស៊ីថាការចាប់ផ្តើមនៃឆ្នាំអប់រំរុស្ស៊ី-ចិន គឺជាព្រឹត្តិការណ៍ដ៏សំខាន់មួយ ហើយតាមរយៈការពង្រឹងកិច្ចសហប្រតិបត្តិការអប់រំ រុស្ស៊ីត្រៀមខ្លួនរួចជាស្រេចដើម្បីធ្វើការជាមួយប្រទេសចិន ដើម្បីបង្កើនការយោគយល់គ្នាទៅវិញទៅមករវាងយុវជនជំនាន់ក្រោយនៃប្រទេសទាំងពីរ ធានាថាបុព្វហេតុនៃមិត្តភាពរុស្ស៊ី-ចិនត្រូវបានបន្តពីមួយជំនាន់ទៅមួយជំនាន់ និងលើកកម្ពស់ការអភិវឌ្ឍទំនាក់ទំនងទ្វេភាគីឲ្យកាន់តែប្រសើរឡើង។
លោកប្រធានស៊ីជិនពីងបានបញ្ជាក់ប្រាប់លោកពូទីនវិញថា តាមរយៈការពង្រឹងកិច្ចសហប្រតិបត្តិការអប់រំ រុស្ស៊ីត្រៀមខ្លួនរួចជាស្រេចដើម្បីធ្វើការជាមួយប្រទេសចិន ដើម្បីបង្កើនការយោគយល់គ្នាទៅវិញទៅមករវាងយុវជនជំនាន់ក្រោយនៃប្រទេសទាំងពីរ ធានាថាបុព្វហេតុនៃមិត្តភាពរុស្ស៊ី-ចិនត្រូវបានបន្តពីមួយជំនាន់ទៅមួយជំនាន់ និងលើកកម្ពស់ការអភិវឌ្ឍទំនាក់ទំនងទ្វេភាគីឲ្យកាន់តែប្រសើរឡើង។
សម្រាប់លោកស៊ីកិច្ចសហប្រតិបត្តិការអប់រំចិន-រុស្ស៊ី បានបន្តពង្រឹង និងទទួលបានលទ្ធផលគួរឱ្យកត់សម្គាល់ក្នុងរយៈពេលប៉ុន្មានឆ្នាំមកនេះ ដោយបង្កើនអត្ថន័យនៃភាពជាដៃគូយុទ្ធសាស្ត្រគ្រប់ជ្រុងជ្រោយ នៃការសម្របសម្រួលចិន-រុស្ស៊ី សម្រាប់យុគសម័យថ្មីមួយ។ លោក ស៊ី បានមានប្រសាសន៍ទៀតថាភាគីទាំងពីរគួរតែកសាងការឯកភាពគ្នាបន្ថែមទៀតលើកិច្ចសហប្រតិបត្តិការ ពង្រីកវិស័យសហប្រតិបត្តិការ និងលើកកម្ពស់កម្រិតនៃកិច្ចសហប្រតិបត្តិការ។
លោក ស៊ី បានអំពាវនាវឱ្យពង្រឹងកិច្ចសហប្រតិបត្តិការក្នុងការបណ្ដុះបណ្ដាលទេពកោសល្យ និងរួមគ្នាដោះស្រាយបញ្ហាប្រឈមនានាក្នុងវិទ្យាសាស្ត្រព្រំដែន ដើម្បីសម្រួលដល់ការជំរុញ និងអភិវឌ្ឍន៍នវានុវត្តន៍របស់ប្រទេសទាំងពីរ៕
