ភ្នំពេញ៖ អង្គការ VBNK រៀបចំវគ្គបណ្តុះបណ្តាល“ ការនិទានរឿងឌីជីថល និង ការចូលរួមសហគមន៍សម្រាប់យុវជន” ដោយឥតគិតថ្លៃសម្រាប់យុវជនដែលមានបំណងចង់ពង្រឹងសមត្ថភាពក្នុងការថតរូប និងប្រើប្រាស់បណ្តាញសង្គមឱ្យមានប្រសិទ្ធភាព។ វគ្គបណ្តុះបណ្តាលនេះ ផ្តល់ជូនទូទៅសម្រាប់យុវជនដែលមានអាយុចាប់ពី១៦ឆ្នាំ ដល់៣០ឆ្នាំ។
យោងតាមគេហទំព័រផ្លូវការរបស់អង្គការ VBNK តាមរយៈការចូលរួមកម្មវិធីនេះយុវជននឹងអាចពង្រឹងសមត្ថភាពលើមូលដ្ឋានគ្រឹះនៃការថតរូប និងការបង្កើតរូបភាពដោយ Ai ប្រកបដោយប្រសិទ្ធភាព។ លើសពីនេះយុវជន នឹងទទួលបានចំណេះដឹងក្នុងការភ្ជាប់ការប្រើប្រាស់បណ្តាញសង្គមទៅនឹងការចូលរួមសហគមន៍ផ្ទាល់។ ទន្ទឹមគ្នា សិក្ខាកាមដែលចូលរួមនឹងទទួលបានប្រាក់ឧបត្ថម្ភ ៥ដុល្លារសម្រាប់ថ្លៃធ្វើដំណើរ វិញ្ញាបនបត្របញ្ជាក់ពីការចូលរួម និងទទួលបានការគាំទ្របន្ថែមតាមរយៈអនឡាញបន្ទាប់ពីវគ្គបណ្តុះបណ្តាលរួចផងដែរ។
បើតាមប្រភពដដែល បេក្ខជនអាចជ្រើសរើសកាលវិភាគសិក្សាដែលមានដូចជា៖
ក្រុមទី១៖ ថ្ងៃទី ២៣ និង ២៤ ខែ ឧសភា ឆ្នាំ ២០២៦
ក្រុមទី២៖ ថ្ងៃទី ១៣ និង ១៤ ខែ មិថុនា ឆ្នាំ ២០២៦
ក្រុមទី៣៖ ថ្ងៃទី ២០ និង ២១ ខែ មិថុនា ឆ្នាំ ២០២៦
ក្រុមទី៤៖ ថ្ងៃទី ២៧ និង ២៨ ខែ មិថុនា ឆ្នាំ ២០២៦
ក្រុមទី៥៖ ថ្ងៃទី ០៤ និង ០៥ ខែ កក្កដា ឆ្នាំ ២០២៦
គួរបញ្ជាក់ថា បេក្ខជនមានចំណាប់អារម្មណ៍អាចដាក់ពាក្យតាមរយៈ តំណភ្ជាប់ និងជ្រើសរើសកាលវិភាគសិក្សាឱ្យសមស្របទៅនឹងពេលវេលាដែលបេក្ខជនមានគ្រប់គ្រាន់ក្នុងការចូលរួមកម្មវិធី៕
