ភ្នំពេញ៖ យុវជន ថន រិនសុភៈ សិស្សថ្នាក់ទី១២ មកពីវិទ្យាល័យព្រៃដើមថ្នឹង ជាប់សិស្សពូកែគណិតវិទ្យាចំណាត់ថ្នាក់លេខ១ទូទាំងប្រទេស ឆ្នាំ២០២៦ នឹងទទួលបានថវិកាពីក្រសួងអប់រំ យុវជន និងកីឡា ចំនួន ៣លាន៥សែនរៀល រួមទាំងប្រាក់រង្វាន់ ឬ វត្ថុផ្សេងៗពីសប្បុរសជន។នេះបើយោងតាមលទ្ធផលប្រកាសដោយក្រសួងអប់រំ យុវជន និងកីឡា។
យោងតាមលទ្ធផល បានបង្ហាញថា យុវជន ថន រិនសុភៈ មកពីវិទ្យាល័យព្រៃដើមថ្នឹង ខេត្តព្រៃវែង ជាប់លេខ១ ,យុវជន នន់ សុវណ្ណារ៉ូត មកពីវិទ្យាល័យ ហស អង្គប្រីយ៍ ខេត្តតាកែវ ជាប់លេខ២, យុវជន សួងហាន ឬទ្ធិសក្តិ មកពីវិទ្យាល័យព្រះបាទសុរាម្រឹត ខេត្តកំពង់ឆ្នាំង ជាប់លេខ៣,យុវជន ស្រី គឹមយូ មកពីសាលារៀនអារីហ្សូន ខេត្តកំពង់ធំ ជាប់លេខ៤ និង យុវតី ម៉ឹង រចនា មកពីវិទ្យាល័យ សអតហស ព្រែកតាទែន ខេត្តកណ្ដាល ជាប់លេខ៥។
