.png?1741682398)
ចិន៖សំដៅចំពោះករណីដែលមជ្ឈដ្ឋានខាងក្រៅនៅតែមានការលើកឡើងថា កិច្ចសហប្រតិបត្តិការខ្សែក្រវាត់ និងផ្លូវបានបង្កើតអន្ទាក់បំណុលនោះ អ្នកនាំពាក្យក្រសួងការបរទេសចិន លោក វ៉ាង វិនពីន (Wang Wenbin) បានថ្លែងនៅក្រុងប៉េកាំងកាលពីថ្ងៃទី ២១ ខែធ្នូថា គិតរហូតដល់បច្ចុប្បន្ននេះ គ្មានប្រទេសជាដៃគូសហប្រតិបត្តិការក្រោមគំនិតផ្តួចផ្តើមខ្សែក្រវាត់និងផ្លូវណាមួយដែលទទួលស្គាល់ពីការលើកឡើងថាអន្ទាក់បំណុលនោះទេ ។
លោកវ៉ាង វិនពីន បានថ្លែងថា ដោយសាររងផលប៉ះពាល់ពីជំងឺកូវីដ១៩ និងការធ្លាក់ចុះនៃសេដ្ឋកិច្ចពិភពលោក មានប្រទេសកំពុងអភិវឌ្ឍន៍មួយចំនួនពិតជាប្រឈមនឹងភាពលំបាកខាងបំណុល ។ យ៉ាងណាមិញ រដ្ឋាភិបាលចិនបានលុបចោលបំណុលឥណទានឥតការប្រាក់របស់ប្រទេសពាក់ព័ន្ធនៃអាហ្វ្រិកដែលផុតបរិច្ឆេទនៅដំណាច់ឆ្នាំ២០២០ ពោលគឺប្រទេសចិនជាប្រទេសដែលរួមចំណែកធំបំផុតអំពីគំនិតផ្តួចផ្តើមបន្ធូរបន្ថយបំណុលក្នុងចំណោមប្រទេសG20 ។
អ្នកនាំពាក្យក្រសួងការបរទេសចិនរូបនេះ បានសង្កត់ធ្ងន់ថា ធាតុពិតនៃបញ្ហាបំណុលគឺបញ្ហាខ្វះការអភិវឌ្ឍ យើងជឿជាក់ថា កិច្ចសហប្រតិបត្តិការខ្សែក្រវាត់និងផ្លូវនឹងមានអំណោយផលដល់ការជំរុញការកសាងហេដ្ឋារចនាសម្ព័ន្ធនិងឧស្សាហូបនីយកម្មនៃប្រទេសពាក់ព័ន្ធ ដែលអាចដោះស្រាយបញ្ហាបំណុលពីប្ញសគល់៕
.png?1744178821)
