អ៊ីរ៉ង់៖ មេដឹកនាំជាន់ខ្ពស់អ៊ីរ៉ង់ និងក៏ធ្លាប់ជាអតីតរដ្ឋមន្រ្តីការបរទេសអ៊ីរ៉ង់ លោក Kamal Kharrazi បានទទួលមរណភាពបន្ទាប់ពីរងរបួសក្នុងការវាយប្រហាររួមគ្នារបស់អ៊ីស្រាអែល និងសហរដ្ឋអាម៉េរិកលើតំបន់ជាច្រើនក្នុងប្រទេសអ៊ីរ៉ង់។ ប្រព័ន្ធផ្សព្វផ្សាយអ៊ីរ៉ង់បានរាយការណ៍ថា លោក Kharrazi បានរងរបួសក្នុងការវាយប្រហារមួយដែលបានកំណត់គោលដៅលើលំនៅដ្ឋានរបស់លោកនៅទីក្រុងតេអេរ៉ង់ក្នុងនោះ ភរិយារបស់លោកក៏បានបាត់បង់ជីវិតក្នុងការវាយប្រហារដូចគ្នា។
ជាឥស្សរជនលេចធ្លោម្នាក់នៅក្នុងស្ថាប័ននយោបាយអ៊ីរ៉ង់ លោក Kharrazi បានបម្រើការជារដ្ឋមន្ត្រីការបរទេសរបស់ប្រទេសអ៊ីរ៉ង់ចាប់ពីឆ្នាំ ១១៩៧ ដល់ឆ្នាំ ២០០៥។ លោកក៏បានកាន់តំណែងសំខាន់ៗបន្ទាប់ពីបដិវត្តន៍អ៊ីស្លាម និងជាសមាជិកនៃក្រុមប្រឹក្សាវិនិច្ឆ័យរហ័ស។ មុនស្លាប់លោកកំពុងដឹកនាំក្រុមប្រឹក្សាយុទ្ធសាស្ត្រស្តីពីទំនាក់ទំនងការបរទេស ដែលជាស្ថាប័នប្រឹក្សាយោបល់ដែលផ្តល់ការណែនាំអំពីគោលនយោបាយការបរទេស និងរាយការណ៍ដោយផ្ទាល់ទៅកាន់ថ្នាក់ដឹកនាំកំពូលរបស់អ៊ីរ៉ង់ក្រោមការដឹកនាំរបស់លោក Ali Khamenei៕
