កម្ពុជា ជាប់ចំណាត់ថ្នាក់លេខ៧ ជា«ប្រទេសល្អបំផុត» សំដៅលើឱកាសការងារសម្រាប់ជនបរទេស ក្នុងឆ្នាំ២០២៦

ភ្នំពេញ៖ កម្ពុជា ជាប់លេខ៧ ជា "ប្រទេសល្អបំផុត សំដៅលើឱកាសការងារ សម្រាប់ជនបរទេស នៅក្នុងឆ្នាំ២០២៦" នេះ ដោយសារកម្ពុជាមានតម្រូវការខ្ពស់ ចំពោះគ្រូបង្រៀនភាសាអង់គ្លេសនៅកម្ពុជា ដែលអនុញ្ញាតឱ្យជនបរទេស អាចរស់នៅកម្ពុជាបានយ៉ាងសមរម្យ។ នេះបើតាម ការវាយតម្លៃ និងធ្វើឡើងដោយស្ថាប័ន GoAbroad។

ចំណាត់ថ្នាក់នេះ ត្រូវបានវាយតម្លៃ និងធ្វើឡើងដោយប្រភពនៃស្ថាប័ន GoAbroad ដែលគោលដៅនៃប្រទេសទាំងនេះ ត្រូវបានបង្ហាញថា មានភាពលេចធ្លោ សម្រាប់ឱកាសការងារ តុល្យភាពការងារ-ជីវិត និងគុណភាពជីវិតនៅឆ្នាំ ២០២៦។ សម្រាប់ចំណាត់ថ្នាក់លេខ ១ បានទៅលើ កូរ៉េខាងត្បូង, បារាំង (ជាប់លេខ២) និងជប៉ុន (ជាប់លេខ៣)។

ដោយឡែក ប្រទេសកម្ពុជា ត្រូវបានគេឲ្យជាប់លេខ ៧ នៅក្នុងចំណាត់ថ្នាក់នេះ ដោយសារ តម្រូវការខ្ពស់ ចំពោះគ្រូបង្រៀនភាសាអង់គ្លេស ដែលអនុញ្ញាតឱ្យជនបរទេស អាចរស់នៅបានយ៉ាងសមរម្យ ដោយផ្អែកលើប្រាក់ខែបង្រៀន ខណៈពេលដែលអាច បង្កើតឥទ្ធិពលវិជ្ជមានសម្រាប់អ្នកទាំងនោះ រួមទាំងមធ្យោបាយក្នុងការធ្វើដំណើរ ប្រកបដោយចីរភាពផងដែរ៕