ហ្វីលីពីន៖ ក្រសួងការបរទេសហ្វីលីពីន បានប្រកាសថា ចាប់ពីថ្ងៃសុក្រ ទី១៦ ខែមករា តទៅ រដ្ឋាភិបាលហ្វីលីពីននឹងអនុវត្តគោលនយោបាយលើកលែងទិដ្ឋាការសម្រាប់ពលរដ្ឋចិន។ការសម្រេចនេះ នឹងអនុញ្ញាតឱ្យពលរដ្ឋដែលជាទេសចរចិនអាច ដើរលេងកម្សាន្តក្នុងប្រទេសនេះ រយៈពេល ១៤ ថ្ងៃ។
យោងតាមសេចក្តីថ្លែងការណ៍របស់ក្រសួងការបរទេស បានគូសបញ្ជាក់ថា ពលរដ្ឋចិនអាចចូលប្រទេសហ្វីលីពីនដោយមិនចាំបាច់មានទិដ្ឋាការ សម្រាប់ការស្នាក់នៅរយៈពេលអតិបរមា ១៤ ថ្ងៃ។ទោះជាយ៉ាងណា គោលនយោបាយលើកលែងទិដ្ឋាការនេះ អនុវត្តតែចំពោះភ្ញៀវទេសចរចិនដែលមកដល់តាមអាកាសយានដ្ឋានអន្តរជាតិនៅទីក្រុងម៉ានីល រដ្ឋធានីហ្វីលីពីន និងទីក្រុងសេប៊ូ ដែលជាទីក្រុងធំទីពីរ ប៉ុណ្ណោះ។ការស្នាក់នៅរយៈពេល ១៤ ថ្ងៃនេះ មិនអាចស្នើសុំបន្តបានឡើយ។
