អង្គការ និងសមាគមនិស្សិតកម្ពុជាទាំង២៣ ដាក់ញត្តិបន្ទាន់ទៅព្រឹទ្ធសភាអាម៉េរិក ស្តីពីការប្រើយន្តហោះ F-16 របស់យោធាថៃឈ្លានពានលើកម្ពុជា

ភ្នំពេញ៖ សហព័ន្ធនិស្សិតកម្ពុជានៅបរទេស រួមនឹងសមាគមនិស្សិត សហគមន៍និស្សិត ក្រុមនិស្សិត និងយុវទូតសុឆន្ទៈកម្ពុជាប្រចាំនៅបរទេសទាំង២៣ស្ថាប័ន ដាក់ញត្តិបន្ទាន់ជូនលោក Roger F. Wicker ប្រធានគណៈកម្មាធិការ Armed Services នៃព្រឹទ្ធសភាអាម៉េរិក និងលោក James E. Risch ប្រធានគណៈកម្មាធិការទំនាក់ទំនងអន្តរជាតិ នៃព្រឹទ្ធសភាអាម៉េរិក ស្តីពីការប្រើប្រាស់យន្តហោះ F-16 Fighting Falcon របស់យោធាថៃឈ្លានពាន រំលោភអធិបតេយ្យភាព បូរណភាពទឹកដីកម្ពុជា និងសម្លាប់ជីវិតជនស៊ីវិលស្លូតត្រង់។

ក្នុងស្មារតីចូលរួមជាមួយរាជរដ្ឋាភិបាល ប្រជាពលរដ្ឋ និងវីរភាពដ៏អង់អាចក្លាហានរបស់វីរៈកងទ័ព និងវីរៈកងនគរបាលជាតិកម្ពុជា ក្នុងការប្រកៀកស្មាជាធ្លុងប្រយុទ្ធការពារជាតិមាតុភូមិកម្ពុជាពីការឈ្លានពាន និងការរំលោភអធិបតេយ្យភាព បូរណភាពទឹកដីរបស់ប្រទេសកម្ពុជា សហព័ន្ធនិស្សិតកម្ពុជានៅបរទេស រួមនឹងសមាគមនិស្សិត:

- សមាគមនិស្សិតកម្ពុជាប្រចាំប្រទេសឥណ្ឌា

- សមាគមសិស្ស និស្សិតកម្ពុជាប្រចាំប្រទេសឥណ្ឌូនេស៊ី

- សមាគមនិស្សិតកម្ពុជាប្រចាំប្រទេសអេហ្ស៊ីប

- សមាគមនិស្សិតកម្ពុជានប្រចាំប្រទេសថៃ

- សមាគមសិស្ស និស្សិតកម្ពុជាប្រចាំប្រទេសតួកគីយ៉េ

- សមាគមសិស្ស និស្សិតកម្ពុជាប្រចាំប្រទេសហុងគ្រី

- សមាគមនិស្សិតកម្ពុជាប្រចាំសាធារណរដ្ឋឆែក

- ក្រុមនិស្សិតកម្ពុជាដែលកំពុងសិក្សានៅប្រទេសអេស្ប៉ាញ

- សមាគមនិស្សិតកម្ពុជាប្រចាំរដ្ឋគុយវ៉ែត

- សមាគមនិស្សិត និងកម្មសិក្សាការីកម្ពុជានៅអ៊ីស្រាអែល

- សមាគមនិស្សិតកម្ពុជាប្រចាំប្រទេសវៀតណាម

- សមាគមនិស្សិតកម្ពុជាប្រចាំប្រទេសបារាំង

- សមាគមនិស្សិតកម្ពុជាប្រចាំប្រទេសកូរ៉េ

- យុវជន - បណ្តាញយុវជនខ្មែរ

- សមាគមនិស្សិតកម្ពុជាប្រចាំនៅប្រទេសជប៉ុន

- សមាគមនិស្សិតកម្ពុជានៅតំបន់ហ៊ីរ៉ូស៊ីម៉ា

- ក្រុមនិស្សិតកម្ពុជាដែលកំពុងសិក្សានៅប្រទេសអ៊ីតាលី

- សមាគមនិស្សិតកម្ពុជាប្រចាំចក្រភពអង់គ្លេស

- សមាគមនិស្សិតកម្ពុជាប្រចាំប្រទេសម៉ាឡេស៊ី

- សហគមន៍និស្សិតកម្ពុជានៅ MGIMO ប្រទេសរុស្ស៊ី

- យុវទូតសុឆន្ទៈកម្ពុជាប្រចាំប្រទេសចិន

- សមាគមនិស្សិតកម្ពុជានៅសហរដ្ឋអាមេរិក

សហព័ន្ធនិស្សិតកម្ពុជានៅបរទេស រួមនឹងសមាគមនិស្សិត សហគមន៍និស្សិត ក្រុមនិស្សិត និងយុវទូតសុឆន្ទៈកម្ពុជាប្រចាំនៅបរទេសទាំង២៣ស្ថាប័ន នឹងបន្តដាក់ញត្តិទៅតាមបណ្តាប្រទេស និងអង្កការអន្តរជាតិជាច្រើនទៀត៕