.png?1741682398)
ភ្នំពេញ៖គណៈគ្រប់គ្រងរបស់ធនាគារកាណាឌីយ៉ា នៅថ្ងៃទី ៣ ធ្នូនេះ បានប្រកាសជូនដំណឹងពីការបិទបណ្តោះអាសន្នស្នាក់ការកណ្តាល«ធនាគារកាណាឌីយ៉ា»បិទបណ្តោះអាសន្ន ដល់អតិថិជនរបស់ធនាគារទាំងអស់ដែលត្រូវការធ្វើប្រតិបត្តិការសេវាកម្មធនាគារ។ប៉ុន្តែសាខាផ្សេងទៀត នៅបើកដំណើរការធម្មតាបម្រើជូនអតិថិជន។
ក្នុងសេចក្តីជូនដំណឹងបាន បញ្ជាក់ថា យោងតាមគោលការណ៍ណែនាំរបស់ក្រសួងសុខាភិបាល ដោយសារការរកឃើញករណីវិជ្ជមានកូវីដ ១៩ មួយករណីដែលជាបុគ្គលិកម្នាក់របស់ក្រុមហ៊ុនមួយដែលជួលការិយាល័យនៅក្នុងអគារកាណាឌីយ៉ា ។ ជាការឆ្លើយតប និងចាត់វិធានការការពារ អគារកាណាឌីយ៉ា នឹងត្រូវបិទប្រតិបត្តិការជាបណ្ដោះអាសន្ននាថ្ងៃនេះ ។
អតិថិជនរបស់ធនាគារទាំងអស់ដែលត្រូវការធ្វើប្រតិបត្តិការសេវាកម្មធនាគារ អញ្ជើញប្រើប្រាស់សេវាកម្ម ធនាគារតាមរយៈប្រព័ន្ធ Mobile Banking, Internet Banking, ម៉ាស៊ីនដក-ដាក់ប្រាក់ ATM/CRM និងតាមបណ្ដាសាខារបស់ធនាគារនៅខេត្ត-រាជធានីភ្នំពេញ រួមបញ្ចូលទាំងសាខាកោះពេជ្រ ។ យើងខ្ញុំ សូមជម្រាបជូនថា សាខាធនាគារកាណាឌីយ៉ា នៅផ្សារទំនើបសូរិយា និងសាខាទួលទំពូង នៅតែបម្រើសេវាកម្មជូនអតិថិជនជារៀងរាល់ថ្ងៃ (ចាប់ពីថ្ងៃ ច័ន្ទ ដល់ថ្ងៃ អាទិត្យ) រហូតដល់ម៉ោង ៧:០០ ល្ងាច ដែលរួមមានទាំងថ្ងៃឈប់សម្រាកនានាផងដែរ ។
ធនាគារនឹងបន្ដជូនដំណឹងបន្ថែម នៅពេលដែលមានគោលការណ៍ណែនាំថ្មីពីក្រសួងសុខាភិបាល៕
.png?1744178821)
.jpg?1746601419)
