ភ្នំពេញ៖ និស្សិតសាកលវិទ្យាល័យភូមិន្ទវិចិត្រសិល្បៈ RUFA រៀបចំធ្វើពិធីសំពះព្រះខែ នៅថ្ងៃទី៥ ខែវិច្ឆិកា ឆ្នាំ២០២៥ នៅសាកលវិទ្យាល័យភូមិន្ទវិចិត្រសិល្បៈទីតាំងទី២ ចាប់ពីវេលា ៦ ល្ងាច ដល់ ៩ យប់ បើកអនុញ្ញាតឱ្យសាធារណជនចូលរួមដោយសេរី។
យោងតាមគេហទំព័រ គណៈកម្មការនិស្សិតសាកលវិទ្យាល័យភូមិន្ទវិចិត្រសិល្បៈ RUFA បានឱ្យដឹងថា ពិធីសំពះព្រះខែ នៅថ្ងៃទី៥ ខែវិច្ឆិកា ឆ្នាំ២០២៥ នៅសាកលវិទ្យាល័យភូមិន្ទវិចិត្រសិល្បៈទីតាំងទី២ ដែលមានទីតាំងស្ថិតនៅលើមហាវិថីវិចិត្រសិល្បៈ សង្កាត់ព្រែកលាប ខណ្ឌជ្រោយចង្វារ រាជធានីភ្នំពេញ។
កម្មវិធីនឹងរួមបញ្ចូល វង់ភ្លេងមហោរីកំដរមុនកម្មវិធី ការសូត្រប្រកាសទេវតា ពិធីសំពះព្រះខែ ពិធីផ្សងទឹកភ្លៀង ពិធីអកអំបុក និងរាំលេងកម្សាន្តចង្វាក់ប្រជាប្រិយ។ កម្មវិធីតម្រូវឱ្យស្លៀកសម្លៀកបំពាក់ប្រពៃណី ឬ សមរម្យតាមការគួរ៕
