ភ្នំពេញ៖ សាកលវិទ្យាល័យ ពុទ្ធិសាស្រ្ត (UP) ទទួលពាក្យស្នើសុំ អាហារូបករណ៍សម្តេចវិបុលបញ្ញា សុខ អាន សម្រាប់សិស្សានុសិស្សដែលមានបំណងសិក្សានិងទទួលបានអាហារូបករណ៍លើជំនាញក្នុងវិស័យសុខាភិបាលដែលក្នុងនោះរួមមាន វេជ្ជសាស្ត្រ ឱសថសាស្ត្រ ទន្តវទនសាស្រ្ត បរិញ្ញាបត្រគិលានុបដ្ឋាក និង បរិញ្ញាបត្រឆ្មប។
បេក្ខជនដែលមានចំណាប់អារម្មណ៍សូមដាក់ពាក្យស្នើសុំ អាហារូបករណ៍តាមរយៈតំណរភ្ជាប់ https://www.puthisastra.edu.kh/scholarship-application-form/ ឱ្យបានត្រឹមថ្ងៃទី ២៥ ខែ តុលា ឆ្នាំ២០២៥។ ការដាក់ពាក្យនេះ តម្រូវឱ្យបេក្ខជនបំពេញព័ត៌មានផ្ទាល់ខ្លួន ព័ត៌មានគ្រួសារ ព័ត៌មានដែលអាហារូបករណ៍ត្រូវការ និងការភ្ជាប់នូវឯកសារមួយចំនួនដែលអាហារូបករណ៍តម្រូវ។
ករណី សិស្សមានចម្ងល់ អាចទាក់ទងទៅកាន់ ការិយាល័យសេវាកម្មនិស្សិត នៅអគារ A ជាន់ទី១ បន្ទប់ Student Service Office តាមរយៈអ៊ីម៉ែល [email protected] ៕
