ភ្នំពេញ៖ ប្រតិភូយុវជនកម្ពុជា ចំនួន ២រូប នាព្រឹកថ្ងៃទី១៦ ខែកញ្ញា ឆ្នាំ២០២៥ បានចេញដំណើរពីអាកាសយានដ្ឋានអន្តរជាតិតេជោ ដើម្បីចូលរួមក្នុងកម្មវិធី China-ASEAN Youth Campus លើកទី១៦ ដែលនឹងប្រារព្ធធ្វើឡើងនៅសាធារណៈរដ្ឋប្រជាមានិតចិន ចាប់ពីថ្ងៃទីទី១៦-២៣ ខែកញ្ញា ឆ្នាំ២០២៥ ក្រោមប្រធានបទ៖ “Mutual Learning and Shared Synergy: Youth Together Shaping the Future"។
យោងតាមគហទំព័រនៃអគ្គនាយកដ្ឋានយុវជន កម្មវិធីនេះមានគោលបំណងបង្កើនកិច្ចសហប្រតិបត្តិការរវាងយុវជនចិន និងអាស៊ាន តាមរយៈការផ្លាស់ប្តូរវប្បធម៌ ការពិភាក្សាអំពីច្នៃប្រឌិត និងការអភិវឌ្ឍបៃតង ព្រមទាំងចែករំលែកទស្សនៈអំពីការរៀនសូត្ររវាងអរិយធម៌ប្រទេសចិន និងប្រទេសអាស៊ាន។
កម្មវិធីនេះ មានរយៈពេលប្រមាណ ៧ថ្ងៃ ដែលនឹងធ្វើឡើងនៅទីក្រុង Chengdu ខេត្ត Sichuan និងទីក្រុង Dunhuang ខេត្ត Gansu នៃសាធារណៈរដ្ឋប្រជាមានិតចិន មានការចូលរួមពីយុវជនមកពីបណ្តាប្រទេសនានាក្នុងតំបន់អាស៊ាន ព្រមទាំងនិស្សិតចិនផងដែរ៕
