ភ្នំពេញ៖ ក្រសួងវប្បធម៌រៀបចំការប្រឡងស្នាដៃរូបថតក្រោមប្រធានបទ «រួមគ្នាលើកតម្កើងមរតកវប្បធម៌អរូបី» សម្រាប់សាធារណៈជនទូទៅ សិស្ស និស្សិត និងអ្នកស្រឡាញ់វិស័យថតរូប។ ក្រសួងនឹងបន្តទទួលពាក្យចូលរួមប្រកួតប្រជែងចាប់ពីថ្ងៃជូនដំណឹងរហូតដល់ ថ្ងៃទី៥ ខែតុលា ឆ្នាំ២០២៥ ។
យោងតាមសេចក្តីជូនដំណឹងនៃនាយកដ្ឋានអភិវឌ្ឍន៍វប្បធម៌ បានឱ្យដឹងថា ការប្រកួតនេះ បេក្ខជននឹងទទួលបានរង្វាន់សម្រាប់ជ័យលាភី និងរង្វាន់ផ្សេងៗទៀតរហូតទៅ៦០រង្វាន់ និងអាចមានឱកាសចូលរួមតាំងពិព័រណ៍ និងការទទួលស្គាល់ស្នាដៃពីក្រសួង។ កម្មវិធីប្រកួតនេះ ត្រូវបានរៀបចំឡើងសម្រាប់សាធារណៈជនទូទៅរួមមាន សិស្ស និស្សិត និងអ្នកស្រឡាញ់វិស័យថតរូប។ ក្រសួងនឹងបន្តទទួលពាក្យចូលរួមប្រកួតប្រជែងចាប់ពីថ្ងៃជូនដំណឹងរហូតដល់ ថ្ងៃទី៥ ខែតុលា ឆ្នាំ២០២៥ ។
ក្រសួងបានគូសបញ្ជាក់ពីលក្ខខណ្ឌនៃការដាក់ពាក្យចូលរួមប្រកួតរួមមាន រូបថតស្តីពីទិដ្ឋភាពនៃសម្បត្តិបេតិកភណ្ឌវប្បធម៌អរូបីរបស់ប្រទេសកម្ពុជា និងជាស្នាដៃថតដែលថតដោយជនជាតិខ្មែរ។ ក្នុងការប្រកួតនេះ បេក្ខជនម្នាក់អាចដាក់ស្នាដៃបានប្រាំ (៥) ដែលជារូបថតពណ៌ធម្មជាតិ ភ្លឺច្បាស់ល្អ ជារូបដើម (មិនកាត់ត)។ ជាពិសេស រូបដែលដាក់ក្នុងការប្រកួតនេះ ជារូបដែលបានថតមិនលើសពីរយៈពេល១២ខែ គិតដល់ថ្ងៃប្រឡង ដែលមានទំហំរូបថតចាប់ពី១០MB ឡើងក្នុងមួយរូប និងជាស្នាដៃរូបថតដែលមិនធ្លាប់ជាប់ជ័យលាភីកន្លងមក។
បើតាមប្រភពដដែល បេក្ខជនអាចទាញយកគំរូពាក្យចូលរួម និងព័ត៌មានលំអិត តាមរយៈតំណភ្ជាប់ បន្ទាប់មកដាក់ពាក្យទៅកាន់តំណភ្ជាប់ ។
គួរបញ្ជាក់ថា កម្មវិធីប្រកួតនេះត្រូវបានរៀបចំឡើងដោយ នាយកដ្ឋានអភិវឌ្ឍន៍វប្បធម៌
នៃក្រសួងវប្បធម៌ ដែល មានអាស័យដ្ឋាននៅទល់មុខវិមានរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕
.png?1744178821)
