អាម៉េរិក៖ សេតវិមានអាម៉េរិកបានបញ្ជូនឆ្មាំជាតិពិសេសប្រមាណ ៣០០នាក់ ទៅកាន់ក្រុង ឡូសអេនជឺឡេស ដើម្បីធ្វើការបង្រ្កាបក្រុមបាតុករអន្តោប្រវេសន៍ដែលនាំគ្នាចេញបាតុកម្មប្រឆាំងជាមួយនិងចំណាត់ការរដ្ឋបាលរបស់លោកត្រាំក្នុងការចាប់បញ្ជូនក្រុមអន្តោប្រវេសន៍ទាំងនោះដែលគ្មានឯកសារស្នាក់នៅច្បាស់លាស់ និងលួចធ្វើការងារនៅសហរដ្ឋអាម៉េរិកត្រឡប់ទៅកាន់ប្រទេសកំណើតវិញ។ ចំណាត់ការបញ្ជូនឆ្មាំជាតិទៅបង្រ្កាបវ៉ូងបាតុករនេះធ្វើឡើងប៉ុន្មានថ្ងៃបន្ទាប់ពីក្រុមជនអន្តោប្រវេសន៍ បានបើកយុទ្ធនាការតវ៉ាទ្រង់ទ្រាយធំនៅរដ្ឋកាលីហ្វ័រញ៉ា ជាពិសេសនៅទីក្រុងឡូសអេនជឺលេស ភាគច្រើនដោយសារតែការវាយឆ្មក់ពីក្រុមមន្រ្តីអនុវត្តច្បាប់អន្តោប្រវេសន៍ និងគយរបស់សហរដ្ឋអាម៉េរិក ដែលនាំឱ្យមានការចាប់មនុស្សជាច្រើននាក់។
យោងតាមប្រព័ន្ធផ្សព្វផ្សាយរបស់អាម៉េរិកកងទ័ពឆ្មាំជាតិអាម៉េរិកបានបញ្ជូនមន្រ្តីជាង ៣០០នាក់ចេញបង្រ្កាបវ៉ូងបាតុករដែលធ្វើការខុសច្បាប់នៅសហរដ្ឋអាម៉េរិក លោកដូណាល់ត្រាំបានចាត់ទុកការចេញតវ៉ាប្រឆាំងរបស់ក្រុមបាតុករទាំងនេះគឺជាការបះបោល និងប្រឆាំងដាច់ខាតក្នុងការបង្រ្កាបក្រុមបាតុកម្មលោកថែមទាំងបានព្រមានទៀតថាក្រុមប្រឆាំងទាំងនេះនិងបង់ប្រាក់សងការខូចខាតក្នុងការបង្កើតជាហិង្សា។
មុនការចេញបង្រ្កាបទ្រង់ទ្រាយធំកាលពីល្ងាចថ្ងៃសុក្រ ក្រុមបាតុករបានប្រមូលផ្តុំគ្នានៅខាងក្រៅមណ្ឌលឃុំឃាំងសហព័ន្ធ ដែលក្រុមមេធាវីបាននិយាយថា អ្នកដែលត្រូវបានចាប់ខ្លួនត្រូវបានចាប់ខ្លួន ដោយស្រែកថាដោះលែងពួកគេ អនុញ្ញាតឱ្យពួកគេស្នាក់នៅ។ អ្នកតវ៉ាផ្សេងទៀតបានកាន់សញ្ញាដែលសរសេរថាក្រុមមន្រ្តីអនុវត្តច្បាប់អន្តោប្រវេសន៍ និងគយរបស់សហរដ្ឋអាម៉េរិកត្រូវតែចេញពីក្រុងឡូសអេនជឺឡេស។
បាតុកម្មទ្រង់ទ្រាយធំនេះជំរុញឱ្យមានការឆ្លើយតបរបស់ប៉ូលិស ដែលបង្ខំចិត្តប្រើប្រាស់ឧស្ម័នបង្ហូរទឹកភ្នែក និងការចាប់ខ្លួនមេដឹកនាំសហជីពម្នាក់។នាយកដ្ឋានសន្តិសុខមាតុភូមិបាននិយាយនៅក្នុងសេចក្តីថ្លែងការណ៍មួយថា "អ្នកបះបោរចំនួន ១,០០០នាក់បានឡោមព័ទ្ធអគារអនុវត្តច្បាប់សហព័ន្ធ និងបានវាយលុកមន្ត្រីអនុវត្តច្បាប់ដុតបំផ្លាញរថយន្ត និងបំផ្លាញទីតាំងជាច្រើនទៀត៕
