ភ្នំពេញ៖ ក្រុមយុវជនកម្ពុជា បានជ័យលាភីលេខ៣ ថ្នាក់ពិភពលោកក្នុងការប្រកួតផ្នែកវិញ្ញាសា Innovation Track នៃការប្រកួត Huawei ICT Competition។ យុវជនទាំងបីរូបរួមមាន កញ្ញា វង់ ពេជ្រចរណៃ និង កញ្ញា ហេង កល្យាណ ជានិស្សិតឆ្នាំទី៤ និង លោក ផល ចាន់ផាយុ ជានិស្សិតឆ្នាំទី៣ ជានិស្សិតដេប៉ាតឺម៉ង់ព័ត៌មានវិទ្យា និងទំនាក់ទំនង នៃវិទ្យាស្ថានបច្ចេកវិទ្យាកម្ពុជា។
យុវជនក្រុមនេះ កាលពីខែកុម្ភៈ បានប្រកួតនៅម៉ាឡេស៊ី ទទួលបាន«ជ័យលាភីលេខ១» ក្នុងការប្រកួតបច្ចេកវិទ្យាថ្នាក់តំបន់អាស៊ីប៉ាស៊ីហ្វិក។ ក្រោយបានជាប់ជ័យលាភីលេខ១ប្រចាំថ្នាក់តំបន់ យុវជនទាំងបីរូប បានចូលរួមប្រកួត Global Final នៅប្រទេសចិននាខែឧសភានេះ។
បើតាមគេហទំព័រ Huawei Cambodia នៅក្នុងវគ្គ Global Final នេះ ក្រុមយុវជនកម្ពុជា បានទទួលជ័យលាភីលេខ៣ ថ្នាក់ពិភពលោកក្នុងការប្រកួតផ្នែកវិញ្ញាសា Innovation Track នៃការប្រកួត Huawei ICT Competition Global Final 2024–2025 នៅទីក្រុងសិនជិន នៃប្រទេសចិន។
គួររំលឹកថា កម្មវិធី Huawei ICT Competition ជាកម្មវិធីមួយដែលជ្រើសរើសនិស្សិតមកពីបណ្តាសាកលវិទ្យាល័យនានាដែលកំពុងចាប់យកជំនាញសិក្សាពាក់ព័ន្ធនឹងបច្ចេកវិទ្យាដើម្បីបង្កើតនូវគំនិតដើម្បីជាដំណោះស្រាយបញ្ហាណាមួយនៅក្នុងប្រទេសរបស់ខ្លួនដោយប្រើប្រាស់បច្ចេកវិទ្យា៕
