.png?1741682398)
ភ្នំពេញ៖ ក្រសួងអប់រំ បានគូសបញ្ជាក់ថា ការប្រកួតក្រុមភ្លេងកាយរឹទ្ធិថ្នាក់ជាតិ ឆ្នាំ២០២៥ ក្រោមប្រធានបទ «ភ្លេងកាយរឹទ្ធិ ដើម្បីមហាបវរវិបុលភាព» នឹងប្រព្រឹត្តទៅចាប់ពីថ្ងៃទី២ ដល់ថ្ងៃទី០៣ ខែមិថុនា ឆ្នាំ២០២៥ ចាប់ពីម៉ោង ០៦:៣០នាទីព្រឹក នៅ ពហុកីឡដ្ឋានជាតិអូឡាំពិក រាជធានីភ្នំពេញ។
យោងតាមសេចក្តីជូនដំណឹងនៃក្រសួងអប់រំ បានឱ្យដឹងថា ការប្រកួតក្រុមភ្លេងកាយរឹទ្ធិថ្នាក់ជាតិ លើកទី២ ក្រោមប្រធានបទ "ភ្លេងកាយរឹទ្ធិ ដើម្បីមហាបវរវិបុលភាព" ដែលព្រឹត្តិការណ៍ដ៏សំខាន់នេះ បើកឱកាសឱ្យសាធារណជនចូលរួមទស្សនាដោយសេរី ប៉ុន្តែមានការកំណត់ចំនួនត្រឹម ៥០០នាក់ដំបូងប៉ុណ្ណោះ។
ក្រសួងអប់រំបានគូសបញ្ជាក់ថា អ្នកដែលមានបំណងចង់ចូលរួម អាចចុះឈ្មោះតាមរយៈតំណភ្ជាប់៖ https://link.moeys.gov.kh/ew7a1s ឱ្យបានត្រឹមថ្ងៃទី១៧ ខែឧសភា ឆ្នាំ២០២៥។ សម្រាប់ព័ត៌មានលម្អិតបន្ថែមទាក់ទងនឹងព្រឹត្តិការណ៍នេះ សូមទំនាក់ទំនងតាមរយៈលេខទូរស័ព្ទ ឬ Telegram៖ 076 228 6042 / 096 891 6091៕
.png?1744178821)
