Cc times web banner kh additional year end web banner2 (6)

គម្រោងពង្រីកផ្លូវ(Runway)នៅព្រលានយន្តហោះព្រះសីហនុគ្រោងដាក់ឱ្យដំណើរការនៅចុងឆ្នាំនេះ

ព័ត៌មានជាតិ
/
អ្នកយកព័ត៌មាន:
ស៊ីស៊ីថាមស៍
/
គម្រោងពង្រីកផ្លូវរត់យន្តហោះថ្មី(Runway)របស់អាកាសយាន្តដ្ឋានព្រះសីហនុគ្រោងដាក់ឱ្យដំណើរការជាផ្លូវការនៅក្នុងត្រីមាសចុងក្រោយនៅឆ្នាំ២០២០

ព្រះសីហនុ៖ គម្រោងពង្រីកផ្លូវរត់យន្តហោះថ្មី(Runway)របស់អាកាសយាន្តដ្ឋានព្រះសីហនុគ្រោងដាក់ឱ្យដំណើរការជាផ្លូវការនៅក្នុងត្រីមាសចុងក្រោយនៅឆ្នាំ២០២០។គម្រោងនេះចំណាយទឹកប្រាក់ចំនួន៥៨លានដុលារអាមេរិក។

គម្រោងផ្លូវនេះ បើកដំណើរការនៅឆ្នាំ២០១៨ ដើម្បីចុះចតរបស់យន្តហោះធំៗដូចជា៖ B-777-300ER ឬយន្តហោះA-350-1000ដែលអាចធ្វើប្រតិបត្តិការហោះហើរត្រង់រយៈចម្ងាញឆ្ងាយទៅមកពីអាកាសយានដ្ឋានអន្តរជាតិខេត្តព្រះសីហនុ។

លោក ស៊ិន ចាន់សេរីវុត្ថា អ្នកនាំពាក្យអាកាសចរណ៍ស៊ីវិលកម្ពុជា មានប្រសាសន៍ថា គម្រោងនេះមានក្រុមហ៊ុន Memard ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន VINCI Group ហើយជាក្រុមហ៊ុនឈានមុខគេនៅពិភពលោកផ្នែកវិជ្ជាជីវៈ ដោយបច្ចុប្បន្នកំពុងកែលំអគម្រោងផ្លូវនេះ ដោយមានការចាក់ដីបំពេញទ្រង់ទ្រាយធំ និងបានបំពាក់សម្ភារបរិក្ខារ និងធ្វើប្រតិបត្តិការលើការងារចាក់បំពេញដី និងចាក់ថ្នល់។

បើតាមលោក ស៊ិន ចាន់សេរីវុត្ថា អាកាសយាន្តដ្ឋានព្រះសីហនុបានពង្រីកផ្លូវរត់បន្ថែមពី២,៥០០ម៉ែត្រឱ្យដល់៣,៣០០ម៉ែត្រ បន្ថែមពីលើការពង្រីកផ្លូវយន្តហោះឡើងចុះ(airstrip)បច្ចុប្បន្ន។លោកសង្ឃឹមថា ក្រោយគម្រោងនេះចប់នឹងទាក់ទងភ្ញៀវទេសចរបន្ថែម។

លោក ស៊ិន ចាន់សេរីវុត្ថា បានសង្កត់ធ្ងន់ថា ក្នុងគម្រោងអាកាសយានដ្ឋាន នឹងពង្រឹងការអនុវត្តបទប្បញ្ញត្តិ ក្នុងន័យសុវត្តិភាព និងសន្តិសុខ តឹងរឹងបំផុត ហើយនឹងធ្វើការឆ្លើយតបយ៉ាងឆាប់រហ័ស និងមានកិច្ចសហប្រតិបត្តិការល្អ ដើម្បីធានាពីដំណើរការទៅដោយរលូន ជាពិសេសការទទួលជើងហោះហើរ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង