លោក ហ្សង់-ហ្វ្រង់ស័រ តាន់៖រាជរដ្ឋាភិបាលកម្ពុជា នឹងបន្តដុតដៃដុតជើង

ភ្នំពេញ៖ មន្ត្រីជាន់ខ្ពស់របស់រាជរដ្ឋាភិបាលកម្ពុជា បានប្រកាសជាថ្មីម្តងទៀតពីការប្តេជ្ញាចិត្តរបស់ខ្លួន ក្នុងការចចារបញ្ចុះបញ្ចូលសហរដ្ឋអាម៉េរិក កុំឱ្យអនុវត្តពន្ធគយថ្មី៤៩% មកលើកម្ពុជា ដើម្បីការពារបណ្តារោងចក្រ និង ក្រុមហ៊ុននានាក្នុងទឹកដីកម្ពុជា។ការប្រកាសនេះ គឺធ្វើឡើងក្នុងកំឡុងពេលសហរដ្ឋអាម៉េរិក ទុករយៈពេល៩០ថ្ងៃ រាប់ពីថ្ងៃទី១០ ខែមេសានេះ បើកសម្រាប់ការចចារជាមួយបណ្តាប្រទេសនានា លើកលែងតែចិនអាម៉េរិកបន្ថែមពន្ធ១២៥%។

យោងតាមលោក ហ្សង់-ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការអន្តរជាតិ បានគូសបញ្ជាក់ថា នាថ្ងៃទី១០ ខែមេសា ឆ្នាំ២០២៥ លោកប្រធានាធិបតីអាម៉េរិកដូណាល់ត្រាំ ប្រកាសផ្អាកការយកពន្ធថ្មីដែលចូលជាធរមាននៅទូទាំងប្រទេសដោយបញ្ចុះនៅសល់ ១០% និង ទុកពេលឲ្យបណ្តាលប្រទេសដែលជាប់ពន្ធថ្មីប្រកាសកាលពីសប្តាហ៍ រយៈពេល៩០ថ្ងៃ ដើម្បីស្វែងរកការចចារជាមួយអាម៉េរិក ក្រោយមានប្រទេសជាង៧៥ ជុំវិញពិភពលោក បានទាក់ទងសុំចចារជាមួយអាជ្ញាធរអាម៉េរិក។

បើតាមលោក ហ្សង់-ហ្វ្រង់ស័រ តាន រាជរដ្ឋាភិបាលកម្ពុជា កំពុងបន្តដុតដៃដុតជើង ទាក់ទងជាមួយអាម៉េរិក ដោយបានគិតពីប្រយោជន៍របស់ប្រទេសជាតិមុនគេ ដើម្បីការពារបណ្តារោងចក្រ និង ក្រុមហ៊ុននានាក្នុងទឹកដីកម្ពុជា ការពារប្រាក់ចំណូលរបស់កម្មករ និង ដើម្បីការពារជីវភាពនៃប្រជាជន។

លោកថ្លែងថា ដើម្បីសម្រេចបានផលប្រយោជន៍ជាតិ រាជរដ្ឋាភិបាលកម្ពុជា នឹងបន្តដុតដៃដុតជើង ទាក់ទង ពន្យល់បំភ្លឺ និង បញ្ចុះបញ្ចូល អាម៉េរិក កុំឱ្យអនុវត្តពន្ធគយថ្មី ៤៩%មកលើកម្ពុជា ក្នុងកំឡុងពេលដែលសហរដ្ឋអាម៉េរិក ទុករយៈពេល៩០ថ្ងៃ រាប់ពីថ្ងៃទី១០ ខែមេសានេះ បើកសម្រាប់ការចចារ៕

អត្ថបទទាក់ទង