កម្ពុជា នឹងរងឥទ្ធិពល«ភ្លៀងកក់ខែ»លាយឡំខ្យល់កន្ត្រាក់ និងផ្គររន្ទះ ចាប់ពីថ្ងៃទី៧-៣០មេសា

ភ្នំពេញ៖ ក្រសួងធនធានទឹក និងឧតុនិយម នៅថ្ងៃទី ៤ ខែមេសា បានចេញសេចក្តីជូនដំណឹង ស្តីពីស្ថានភាពភ្លៀងកក់ខែ នឹងបន្តមានឥទ្ធិពលមកលើព្រះរាជាណាចក្រកម្ពុជា ចាប់ពីថ្ងៃទី៧ ដល់ថ្ងៃ ទី៣០ ខែមេសា ឆ្នាំ២០២៥ ខាងមុខនេះ ដែលនឹងគ្របដណ្តប់រាយប៉ាយនៅក្នុងក្របខ័ណ្ឌទូទាំងប្រទេស កម្ពុជា និងលាយឡំជាមួយខ្យល់កន្ត្រាក់ និងផ្គររន្ទះ។

យោងតាមតាមការអង្កេត ពិនិត្យ និងវិភាគលើស្ថានភាពធាតុអាកាស និងអាកាសធាតុនៅក្នុងតំបន់ និង ព្រះរាជាណាចក្រកម្ពុជា ក្រសួងធនធានទឹក និងឧតុនិយម បានឲ្យដឹងថា ស្ថានភាពភ្លៀងកក់ខែនឹងបន្តមានឥទ្ធិពលមកលើព្រះរាជាណាចក្រកម្ពុជា ចាប់ពីថ្ងៃទី៧ ដល់ថ្ងៃ ទី៣០ ខែមេសា ឆ្នាំ២០២៥ ខាងមុខនេះ ដែលនឹងគ្របដណ្តប់រាយប៉ាយនៅក្នុងក្របខ័ណ្ឌទូទាំងប្រទេស កម្ពុជា និងលាយឡំជាមួយខ្យល់កន្ត្រាក់ និងផ្គររន្ទះ។ សីតុណ្ហភាពមធ្យមអប្បបរមា២៥°C និងសីតុណ្ហភាព មធ្យមអតិបរមា៣៧°C។ ទន្ទឹមនឹងនេះ ក្រសួងធនធានទឹក និងឧតុនិយម ក៏បានដំណឹងដល់ សាធារណជន និងអាជ្ញាធរដែនដី មេត្តាយកចិត្តទុកដាក់ប្រុងប្រយ័ត្នខ្ពស់ ដើម្បីជៀសវាងពីគ្រោះថ្នាក់ផ្សេងៗ ដែលអាចកើតមានឡើងជាយថាហេតុ។

គួរបញ្ជាក់ថា កន្លងមកចាប់ពីថ្ងៃទី១៨ ខែមីនា ដល់ថ្ងៃទី៤ ខែមេសា ឆ្នាំ២០២៥ ភ្លៀងកក់ខែបាន បានគ្របដណ្តប់លើ ៤៥ខណ្ឌ/ស្រុក ក្នុង១៥រាជធានី/ខេត្ត៕