កោះមួយចំនួនគ្មានមនុស្សរស់នៅជាបណ្តុំ«សត្វភេនឃ្វីន និងភេសមុទ្រ»ក៏ត្រាំបង្កើនពន្ធ១០ភាគរយ

អាម៉េរិក៖ ប្រជុំកោះមួយចំនួននៃប្រទេសអូស្ត្រាលីរួមទាំងកោះ Norfolk ដ៏តូច និង កោះដាច់ស្រយាលដែលជាជម្រករបស់សត្វភេនឃ្វីន និង សត្វភេសមុទ្រ ត្រូវបានដាក់ស្ថិតក្នុងបញ្ជីដំឡើងពន្ធ១០ភាគរយពីរដ្ឋបាលលោកដូណាល់ ត្រាំ ប្រធានធិបតីអាម៉េរិក។វិធានការនេះ ត្រូវបាននាយករដ្ឋមន្ត្រីអូស្ត្រាលី ភ្ញាក់ផ្អើល។

ក្រុមកោះភ្នំភ្លើងគ្មានមនុស្សរស់នៅនៅក្បែរតំបន់អង់តាក់ទិក គ្របដណ្ដប់ដោយផ្ទាំងទឹកកក និង ជាជម្រករបស់សត្វភេនឃ្វីន និង ភេសមុទ្រ ត្រូវបានក្រុមមន្ត្រីនៃរដ្ឋបាលរបស់លោក ដូណាល់ ត្រាំ រៀបចំដាក់ចូលក្នុងបញ្ជីដែលត្រូវដំឡើងពន្ធប្រមាណ១០ភាគរយលើមុខទំនិញនានា។

កោះ Heard និងកោះ McDonald បង្កើតជាទឹកដីខាងក្រៅនៃប្រទេសអូស្ត្រាលី ស្ថិតក្នុងចំណោមកន្លែងដាច់ស្រយាលបំផុតនៅលើផែនដី ដែលអាចចូលទៅដល់បានតែតាមរយៈការធ្វើដំណើរតាមទូករយៈពេលពីរសប្តាហ៍ពីទីក្រុង Perth នៅឆ្នេរសមុទ្រភាគខាងលិចនៃប្រទេសអូស្ត្រាលីប៉ុណ្ណោះ។តំបន់កោះទាំងអស់នោះ ​គ្មាន​មនុស្ស​រស់​នៅ​ទាំង​ស្រុង ដោយ​ការ​ទៅ​លេង​លើក​ចុង​ក្រោយ​ពី​មនុស្ស​ដែល​គេ​ជឿ​ថា​ជិត​១០​ឆ្នាំ​មុន។

ក្រៅពីកោះទាំងអស់នោះ ក៏មានកោះ Cocos (Keeling) កោះ Christmas និងកោះ Norfolk ក៏ជាប់ចូលក្នុងបញ្ជីត្រូវដំឡើងពន្ធ១០ភាគរយនៃទំនិញផងដែរ។លោក George Plant អ្នកគ្រប់គ្រងកោះ Norfolk បានជំទាស់នឹងការសម្រេចនេះ ។ក្នុងបទសម្ភាសន៍ជាមួយ កាសែត The Guardian ថា "មិនមានការនាំចេញពីកោះ Norfolk ទៅកាន់អាម៉េរិក។

វិធានការនេះ ត្រូវបាននាយករដ្ឋមន្ត្រីអូស្ត្រាលី លោក Anthony Albanese សម្តែងភាពភ្ញាក់ផ្អើល ហើយបាននិយាយយ៉ាងខ្លីថា «នៅលើលោកនេះ គ្មានកន្លែងណាដែលសុវត្តិភាពនោះទេ»។

គួរបញ្ជាក់ថា នៅថ្ងៃទី ២ ខែមេសា លោកប្រធានាធិបតី ត្រាំ សម្រេចអនុវត្តអត្រាពន្ធគយបដិការ(ទៅវិញទៅមក) លើគ្រប់ប្រទេសទាំងអស់ ដោយចាប់ផ្តើមពី ១០% ឡើង ដែលនឹងចូលជាធរមានចាប់ពីថ្ងៃទី ៥ ខែមេសា។ជាវិធនាករលោកត្រាំយល់ថា នឹងស្តារយុត្តិធម៌ និងតុល្យភាព ក្នុងទំនាក់ទំនងពាណិជ្ជកម្មរបស់អាម៉េរិក។