.png?1741682398)
ចិន៖ រដ្ឋាភិបាលចិន តាមរយៈក្រសួងពាណិជ្ជកម្ម នៅថ្ងៃទី ២ មេសា បានចេញនូវសេចក្តីប្រកាសព័ត៌មានប្រឆាំងនឹងសេចក្តីសម្រេចរបស់លោក ដូណាល់ ត្រាំ លើការយកពន្ធបន្ថែមថ្មីលើមុខទំនិញរបស់ចិន និង ប្រទេសដ៏ទៃផ្សេងទៀត។ចិនបានប្រកាសថា ខ្លួននឹងចាត់វិធានការតបតអាម៉េរិកវិញ។
យោងតាមសេចក្តីសេចក្តីថ្លែងរបស់របស់ក្រសួងពាណិជ្ជកម្មចិន បានជំរុញឱ្យសហរដ្ឋអាម៉េរិក "លុបចោលជាបន្ទាន់នូវវិធានការពន្ធឯកតោភាគីទាំងនេះ និង ដោះស្រាយជម្លោះពាណិជ្ជកម្មឱ្យបានត្រឹមត្រូវតាមរយៈការសន្ទនាស្មើភាពជាមួយដៃគូរបស់ខ្លួន"។
អ្នកនាំពាក្យម្នាក់បានថ្លែងប្រាប់ BBC ថា«ប្រទេសចិនប្រឆាំងយ៉ាងម៉ឺងម៉ាត់ ចំពោះចំណាត់ការនេះ ហើយនឹងចាត់វិធានការប្រឆាំងយ៉ាងម៉ឺងម៉ាត់ដើម្បីការពារសិទ្ធិ និង ផលប្រយោជន៍របស់ខ្លួន»។
បន្ថែមពីនេះ ប្រព័ន្ធផ្សព្វផ្សាយរដ្ឋរបស់ចិន Xinhua News Agency បានចេញផ្សាយការអត្ថាធិប្បាយមួយ ដោយហៅការយកពន្ធបន្ថែមពីលោកត្រាំ គឺជា "ការគំរាមកំហែងដោយខ្លួនឯង" ហើយបាននិយាយថា Trump កំពុង "ប្រែក្លាយពាណិជ្ជកម្មទៅជាហ្គេម"។
គួរបញ្ជាក់ថា ប្រធានាធិបតីអាម៉េរិក លោកដូ ណាល់ត្រាំ នៅថ្ងៃទី ២ មេសា បានប្រកាសយកពន្ធនាំចូលទំនិញថ្មីពីប្រទេសជាច្រើន ហើយក្នុងនោះក៏មានប្រទេសកម្ពុជាផងដែរដែលខ្ពស់ជាងគេប្រមាណជិត៥០ភាគរយ។ចិនប្រហែលជាប្រទេសដែលរងផលប៉ះពាល់ខ្លាំងបំផុតបន្ទាប់ពីការប្រកាសរបស់លោក ត្រាំ នៅថ្ងៃនេះ ជាមួយនឹងពន្ធបន្ថែម ៣៤% លើទំនិញចិនទាំងអស់ លើសពី ២០% ដែលត្រូវបានយករួចហើយសរុបប្រមាណ៥៤ភាគរយ៕
