ថាក់ គ្លូប៊ល ផ្តល់«អាហារូបករណ៍» សិក្សាជំនាញផ្នែក បញ្ញាសិប្បនិម្មិត សន្តិសុខសាយប័រ ឬ វិទ្យាសាស្រ្តទិន្នន័យ

ភ្នំពេញ៖ វិទ្យាស្ថាន ថាក់ គ្លូប៊លបើកឱកាសអាហារូបករណ៍សម្រាប់សិស្សនិស្សិតដែលត្រៀមខ្លួនក្នុងការបញ្ចប់ការសិក្សានៅឯសាកលវិទ្យាល័យ និងអ្នកដែលកំពុងចង់អភិវឌ្ឍន៍ ជំនាញបន្ថែមទៀត សិក្សាលើជំនាញបី ដែលសំខាន់ក្នុងពេលអនាគត។​ អាហារូបករណ៍នេះនឹងបន្តទទួលពាក្យរហូតដល់ថ្ងៃទី ២១ ឧសភា ២០២៥។

បើតាមគេហទំព័រ វិទ្យាស្ថាន ថាក់ គ្លូប៊ល អាហារូបករណ៍ថ្នាក់អភិវឌ្ឍន៍ជំនាញនេះ ត្រូវបានផ្តល់ជូនសិស្សដែលចាប់អារម្មណ៍លើមុខជំនាញ ឌីជីថល បច្ចេកវិទ្យា និងវិស្វកម្មសូហ្វវែរ ដែលរួមមាន៣មុខជំនាញដូចជា បញ្ញាសិប្បនិម្មិត សន្តិសុខសាយប័រ និង វិទ្យាសាស្រ្តទិន្នន័យ។

អាហារូបករណ៍នេះផ្តល់ជូនចន្លោះ ៨០ ដល់ ១០០% ទៅលើការសិក្សា ដែលនឹងធ្វើឡើងនៅចុងសប្តាហ៍ ។មុននឹងអាចទទួលអាហារូបករណ៍ បេក្ខជនត្រូវដាក់់ពាក្យតាមរយៈអនឡាញ និងឆ្លងកាត់ការប្រឡងជាមុនសិន។ការប្រឡងនឹងប្រព្រឹត្តទៅនៅថ្ងៃទី ២៤ ឧសភា ដែលមានមុខវិជ្ជា ដូចជា អង់គ្លេស តក្កវិទ្យា និងចំណេះដឹងមូលដ្ឋាននៃជំនាញដែលសិស្សបានជ្រើសរើស។

ប្រសិនបើមានចំណាប់អារម្មណ៍ យុវជនអាចដាក់ពាក្យតាមរយៈ តំណភ្ជាប់  ឱ្យបានមុនថ្ងៃទី ២១ ឧសភា ២០២៥។ ក្នុងករណីមានចម្ងល់បន្ថែម សូមទាក់ទងទៅកាន់តេលេក្រាម៖ t.me/TUXGlobalInstitute_bot ឬ ទូរស័ព្ទលេខ ០២៣ ២៣៨ ១៥៩/០៩៣ ៣៨៦ ៣៨៧៕