ព្រះរាជពិធីបួងសួងចម្រើនសេចក្តីសុខនៅមុខប្រាសាទអង្គរ ត្រូវបានលើកពេលទៅថ្ងៃទី ១៣-១៤ ខែមេសា

សៀមរាប៖ គណៈកម្មាធិការជាតិរៀបចំបុណ្យជាតិ-អន្តរជាតិ បានជូនដំណឹងថា ព្រះករុណាព្រះបាទសម្តេចព្រះបរមនាថ នរោត្តម សីហមនី ព្រះមហាក្សត្រនៃកម្ពុជា ព្រះអង្គបានសព្វព្រះរាជហឫទ័យ ប្តូរពេលវេលាព្រះរាជពិធីបួងសួងចម្រើនសេចក្តីសុខជូនកម្ពុជា នៅមុខប្រាសាទអង្គរ ខេត្តសៀមរាប ដែលគ្រោងនឹងប្រារព្វឡើងនៅថ្ងៃទី១១-១២ ខែមេសា ឆ្នាំ២០២៥ មកថ្ងៃទី១៣-១៤ ខែមេសា ឆ្នាំ២០២៥ វិញ។

ចំពោះកម្មវិធីក្រុងពាលី ព្រះរាជពិធីបួងសួង និងព្រះរាជដំណើរស្តេចយាងទៅ និងយាងនិវត្ត នៅរក្សាដដែល៕