Cctime 6monthsfree desktop
Cc times  web banner kh (2)

ស្រុកចំនួន៦នៅខេត្តបាត់ដំបង រងការវាយប្រហារដោយ«ភ្លៀងខ្យល់កន្ត្រាក់»ប៉ះពាល់ផ្ទះពលរដ្ឋ៥៣ខ្នង

សង្គម
/
អ្នកយកព័ត៌មាន:
អូប សំអាត
/

បាត់ដំបង ៖ ភ្លៀងធ្លាក់ខ្យល់កន្ត្រាក់លាយលំនិងរន្ទះបាញ់ នៅថ្ងៃទី១៦ ខែមីនា ឆ្នាំ២០២៥ បានបណ្ដាលឱ្យមានករណីរន្ទះបាញ់ ស្លាប់មនុស្សម្នាក់ និងរបួសមធ្យមម្នាក់ ហើយបានបណ្ដាលឲ្យរបើកដំបូលផ្ទះ ៥៣ខ្នង ក្នុងស្រុកចំនួន០៦ មានស្រុកបាណន់ ស្រុកសំឡូត ស្រុកសំពៅលូន ស្រុកបវេល ស្រុកសង្កែ ស្រុកគាស់ក្រឡ ខេត្តបាត់ដំបង។ នេះបើយោងតាមអគ្គស្នងការដ្ឋាននគរបាលជាតិ។

សមត្ថកិច្ច បានឲ្យដឹងថា ជនរងគ្រោះនិងផ្ទះប្រជាពលរដ្ឋដែររងការខូចខាត នៅថ្ងៃទី ១៦ ខែមីនា ឆ្នាំ២០២៥ រួមមាន ស្រុកបាណន់៖ វេលាម៉ោង០៦និង៣០នាទី នៅចំណុចភូមិស្លាបប៉ាងឃុំតាគ្រាម ស្រុកបាណន់ ខេត្តបាត់ដំបង មានករណីរន្ទះបាញ់ប្រជាពលរដ្ឋឈ្មោះ ថ្លាន់ សុខាន ភេទប្រុស អាយុ២៨ឆ្នាំ បណ្តាលឲ្យស្លាប់ នៅចំណុចដីថ្មីភូមិស្លាបប៉ាង ឃុំតាគ្រាម ស្រុកបាណន់ ខេត្តបាត់ដំបង ។ ចំណែក ស្រុកសំឡូត៖ នៅវេលាម៉ោង១៩និង០០នាទី នៅចំណុចក្រុមទី១ ភូមិដូនត្រឹត ឃុំតាសាញ ស្រុកសំឡូត ខេត្តបាត់ដំបង មានករណីរន្ទះបាញ់ប្រជាពលរដ្ឋឈ្មោះ ហៀន ហាំ ភេទស្រី អាយុ៤១ឆ្នាំ រស់នៅភូមិភូមិដូនត្រឹត ឃុំតាសាញ ស្រុកសំឡូត ខេត្តបាត់ដំបង បណ្តាលឲ្យរបួសមធ្យម ត្រូវបានគ្រួសារបញ្ជូនទៅសង្គ្រោះនៅមន្ទីរពេទ្យខេត្តបាត់ដំបង។

រីឯស្រុកសំពៅលូន៖ នៅវេលាម៉ោង១៥៖៣០នាទី មានករណីខ្យល់កន្ត្រាក់ បណ្ដាលឲ្យប៉ះពាល់ផ្ទះប្រជាពលរដ្ឋនៅឃុំជ្រៃសីមា និងឃុំសិរីមានជ័យ ស្រុកសំពៅលូន ចំនួន ២៥ខ្នងផ្ទះ។ ស្រុកសង្កែ៖ នៅវេលាម៉ោង១៥៖៥០នាទី មានករណីខ្យល់កន្រ្តាក់ បណ្ដាលឲ្យប៉ះពាល់ផ្ទះប្រជាពលរដ្ឋនៅឃុំកំពង់ព្រៀង ចំនួន ០៣ខ្នងផ្ទះ ។ ស្រុកគាស់ក្រឡ៖ នៅវេលាម៉ោង១៦៖០០នាទី មានករណីខ្យល់កន្រ្តាក់ បណ្ដាលឲ្យប៉ះពាល់ផ្ទះប្រជាពលរដ្ឋនៅភូមិព្រៃទទឹង ឃុំឆ្នាល់មាន់ ចំនួន ០១ខ្នងផ្ទះ។ និងចុងក្រោយ ស្រុកបវេល៖ នៅវេលាម៉ោង១៧៖៣០នាទី មានករណីខ្យល់កន្ត្រាក់ បណ្ដាលឲ្យប៉ះពាល់ផ្ទះប្រជាពលរដ្ឋនៅភូមិបឹងអារក្ស ឃុំអំពិលប្រាំដើម ចំនួន ២៤ខ្នងផ្ទះ។

គួរបញ្ជាក់ថា បច្ចុប្បន្ន កម្លាំងនគរបាលស្រុក បានចុះធ្វើការត្រួតពិនិត្យ និងធ្វើកំណត់ហេតុ រួចបានប្រគល់សាកសពជនរងគ្រោះ ទៅក្រុមគ្រួសារសាច់ញាតិយកទៅធ្វើបុណ្យតាមប្រពៃណី ចំណែកផ្ទះប្រជាពលរដ្ឋដែររងការខូចខាត កម្លាំងនគរបាលស្រុកបានចុះធ្វើការត្រួតពិនិត្យ និងរៀបចំសណ្តាប់ធ្នាប់ជូនម្ចាស់ផ្ទះឡើងវិញ៕


ផ្ទាំងពាណិជ្ជកម្ម
Story cow   jan 2025 kh
Photo 2023 06 28 13.36.05
Khcct banner

អត្ថបទទាក់ទង