Cctime 6monthsfree desktop
Cc times  web banner kh (2)

សមត្ថកិច្ច បានកោះហៅបុរសម្នាក់ ដែលប្រើអំពើហិង្សាលើអ៊ុំប្រុសជាអ្នកធាក់ស៊ីក្លូ

សង្គម
/
អ្នកយកព័ត៌មាន:
អូប សំអាត
/
រូបភាព៖ ស្នងការនគរបាលរាជធានីភ្នំពេញ

ភ្នំពេញ៖ បុរសម្នាក់បានប្រើអំពើហិង្សាលើអ៊ុំប្រុសម្នាក់ជាអ្នកធាក់ស៊ីក្លូ កាលពីយប់ថ្ងៃទី០៤ ខែមីនា ឆ្នាំ២០២៥ វេលាម៉ោង២២:១៥នាទី នៅសង្កាត់អូរឫស្សីទី៣ ខណ្ឌ៧មករា ត្រូវបានស្នងការនគរបាលរាជធានីភ្នំពេញ បានកោះហៅភាគីទាំងសង់ខាងទៅកាន់អធិការដ្ឋាននគរបាលខណ្ឌ៧មករា ដើម្បីសួរនាំជុំវិញដំណើររឿង។

បន្ទាប់មានការផ្សព្វផ្សាយព័ត៌មាននៅតាមបណ្តាញសង្គម លោក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឱ្យលោក ជុន ប៊ុនណាន អធិការនគរបាលខណ្ឌ៧មករា ស្រាវជ្រាវករណីហិង្សាខាងលើ ហើយក៏នាំភាគីទាំងសងខាងមកកាន់អធិការដ្ឋាននគរបាលខណ្ឌ៧មករា ដើម្បីសួរនាំជុំវិញដំណើររឿង។ ក្រោយពីសួរនាំរួច ភាគីទាំងសងខាង បានសំណូមពរសមត្ថកិច្ចសុំសម្របសម្រួលគ្នា និងបញ្ចប់រឿង ដោយមិនមានការប្តឹងផ្តល់គ្នានោះទេ ហើយភាគីបង្កបានសុំទោសអ៊ុំប្រុសជាអ្នកធាក់ស៊ីក្លូ ជាសារធារណៈ និងបានឧបត្ថម្ភថវិកាដល់អ៊ុំប្រុសជាអ្នកធាក់ស៊ីក្លូមួយចំនួនផងដែរ។

ជាមួយគ្នានេះ ក្រោយមកសមត្ថកិច្ចបានធ្វើការណែនាំអប់រំជនបង្ក និងធ្វើកិច្ចសន្យាបញ្ឈប់សកម្មភាពនេះ ហើយសមត្ថកិច្ចបានអនុញ្ញាតឱ្យភាគីទាំងពីរត្រឡប់ទៅផ្ទះវិញរៀងៗខ្លួន៕


Photo 2023 06 28 13.36.05
Khcct banner

អត្ថបទទាក់ទង