CSDA បើកទទួលពាក្យយុវជនចូលរួម «ប្រកួតដេញដោលមតិជាភាសាអង់គ្លេស»

ភ្នំពេញ៖ CSDA កំពុងជ្រើសរើសយុវជនដើម្បីចូលរួមប្រកួតដេញដោលមតិជាភាសាអង់គ្លេស នៅថ្ងៃទី២៩ និងទី៣០ ខែមិនា ឆ្នាំ២០២៥ ខាងមុខនេះ។

បើតាមយុវជន មាស សុបញ្ញា តំណាងអ្នករៀបចំកម្មវិធីបានឲ្យដឹងថា Cambodia Speech and Debate Association (CSDA) នឹងរៀបចំការប្រកួតជជែកដេញដោលជាភាសាអង់គ្លេសឈ្មោះថា “CSDA Debate Open 2025” ត្រូវបានបង្កើតឡើងក្នុងគោលបំណងបន្តពង្រឹងចំណេះដឹងយុវជនទៅលើការដេញដោលមតិជាភាសាអង់គ្លេស ការគិតបែបស៊ីជម្រៅ និងសមត្ថភាពភាសាអង់គ្លេសផងដែរ។

តាមរយៈការចូលរួមប្រកួតក្នុង “CSDA Debate Open 2025” បេក្ខជនម្នាក់ៗនឹងទទួលបានការហ្វឹកហាត់ជាមួយគ្រូបង្វឹកដែលមានបទពិសោធន៍ខ្ពស់នៅមុនការប្រកួតមកដល់ និងទទួលបាននូវអត្ថប្រយោជន៍ជាច្រើនទៀតរួមមាន ពានរង្វាន់ មេដាយ លិខិតសរសើរ វត្ថុអនុស្សាវរីយ៍ និងឱកាសទៅបន្តការប្រកួតទាំងក្នុងនិងក្រៅប្រទេស។

យោងតាមសេចក្តីប្រកាសនៃគេហទំព័រផ្លូវការរបស់ CSDA បានឱ្យដឹងថា ដើម្បីចូលរួមប្រកួតបាន បេក្ខជនត្រូវចុះឈ្មោះតាមតំណរភ្ជាប់នេះ https://forms.gle/Y8buhFjxDxtQWjWg9 ឬតាមរយៈ QR កូដក្នុងខ័ត្តបណ្ណជូនភ្ជាប់ឲ្យបានមុនថ្ងៃសុក្រ ទី២៨ ខែកុម្ភៈ ឆ្នាំ២០២៥។

គួរបញ្ជាក់ផងដែរថា “CSDA Debate Open 2025” គ្រោងនឹងប្រព្រឹត្តទៅនៅថ្ងៃទី២៩ ខែមិនា ឆ្នាំ២០២៥ សម្រាប់វគ្គជម្រុះដំបូង និងថ្ងៃទី៣០ ខែមិនា ឆ្នាំ២០២៥ សម្រាប់វគ្គពាក់កណ្តាលផ្តាច់ព្រ័ត្រនិងវគ្គផ្តាច់ព្រ័ត្រ៕