សិល្បៈពនេចរ រៀបចំ «ពិព័រណ៍សិល្បៈ» បង្ហាញស្នាដៃសិស្ស និងសិល្បករក្នុងសហគមន៍

ភ្នំពេញ៖ សិល្បៈពនេចរ រៀបចំ «ពិព័រណ៍សិល្បៈ» រយៈពេល ១០ ថ្ងៃ ចាប់ពីថ្ងៃទី ០១ ដល់ថ្ងៃទី ១០ មីនា ២០២៥ ចាប់ពីម៉ោង ៩ ព្រឹក ដល់ម៉ោង ៤ រសៀល នៅទីតាំងផ្ទះហ៊ីរ៉ូស៊ីម៉ា ដែលស្ថិតក្នុងវត្តឧណ្ណាលោម។

បើតាមគេហទំព័រហ្វេសប៊ុកផ្លូវការនៃសិល្បៈពនេចរ បានឱ្យដឹងថា ស្នាដៃរបស់សិស្សអនុវិទ្យាល័យ សិល្បករក្នុងសហគមន៍ និងសិល្បករ ទីសំចត (tiSamjort) នឹងត្រូវដាក់តាំងបង្ហាញរួមគ្នានៅក្នុង «ពិព័រណ៍សិល្បៈ» ។

«ពិព័រណ៍សិល្បៈ» នឹងប្រព្រឹត្តទៅចាប់ពីថ្ងៃទី ០១ ដល់ថ្ងៃទី ១០ មីនា ២០២៥ ចាប់ពីម៉ោង ៩ ព្រឹក ដល់ម៉ោង ៤ រសៀល នៅទីតាំងផ្ទះហ៊ីរ៉ូស៊ីម៉ា ដែលស្ថិតក្នុងវត្តឧណ្ណាលោម។ ប្រសិនបើមានចំណាប់អារម្មណ៍ក្នុងការចូលរួមអាចស្វែងរកទីតាំងតាមរយៈតំណភ្ជាប់ផែនទី https://maps.app.goo.gl/DcEt2tqn24G1dRmX7។

សាធារណជនដែលចូលទស្សនានឹងបង្កើនការយល់ដឹងស៊ីជម្រៅអំពី សិល្បៈតាមសហគមន៍នានា ដោយមានភ្ជាប់ជាមួយបរិស្ថាន។

គួរបញ្ជាក់ផងដែរថា កម្មវិធី«ពិព័រណ៍សិល្បៈពនេចរ» ត្រូវបានរៀបចំឡើងដោយ ទីសំចត វេទិកានៃអង្គការមិនមែនរដ្ឋាភិបាលស្តីពីកម្ពុជា និង Anicca Foundation ដែលអនុញ្ញាត​ឱ្យសាធារណជនចូលទស្សនាដោយសេរី ឥតគិតថ្លៃ។ កាលពីឆ្នាំ ២០២៤ គម្រោងសិល្បៈពនេចរបានរៀបចំកម្មវិធី «តាំងបង្ហាញស្នាដៃសិល្បៈ» រយៈពេលមួយថ្ងៃពេញក្នុងបរិវេណវត្តនគរបាជ័យក្រៅ ស្រុកកំពង់សៀម ខេត្តកំពង់ចាម៕