កញ្ញា រិទ្ធី លំអរពេជ្រ នឹងចែករំលែកពី «ផ្ដើមពីគំនិតទៅកាន់ការសរសេរ និងទស្សនីយភាព» នៅថ្ងៃទី ១៧ កុម្ភៈ

ភ្នំពេញ៖  កម្មវិធីស៊ីណេក្លឹប នៅថ្ងៃទី១៧ ខែកុម្ភៈឆ្នាំ២០២៥ ខាងមុខនេះ បនឹងនាំមកនូវប្រធានបទថ្មីស្ដីអំពី «ផ្ដើមពីគំនិតទៅកាន់ការសរសេរ និងទស្សនីយភាព» ដែលនឹងមានការចូលរួមចែករំលែកដោយសមិទ្ធករភាពយន្ដ រិទ្ធី លំអរពេជ្រ (YoKi) ។ 

កញ្ញា រិទ្ធី លំអរពេជ្រ ជាសមិទ្ធករភាពយន្តស្រ្ដីមួយរូបដែលមានបទពិសោធច្រើនក្នុងវិស័យភាពយន្តដែលស្នាដៃភាគច្រើនផ្ដោតលើការប៉ះទង្គិចផ្លូវចិត្តតជំនាន់ អត្តសញ្ញាណភេទ និងទិដ្ឋភាពស៊ីជម្រៅនៃជីវិតគ្រួសារកម្ពុជា ដោយផ្តោតលើមនុស្សវ័យជំទង់។ 

បទបង្ហាញនេះនឹងផ្ដោតលើជំហាននៃដំណើរការផលិតភាពយន្តសម្រាប់សមិទ្ធករភាពយន្តវ័យក្មេងដែលចង់បន្តអាជីពក្នុងវិស័យភាពយន្ត។ សូមកុំឱ្យឱកាសពិសេសនេះកន្លងផុតទៅ។ 

កម្មវិធីនេះអនុញ្ញាតឱ្យចចូលរួមដោយឥតគិតថ្លៃ  ដែលប្រព្រឹត្តទៅនាថ្ងៃទី១៧ ខែកុម្ភៈ ឆ្នាំ២០២៥ វេលាម៉ោង៦ល្ងាច នៅទីតាំងមជ្ឈមណ្ឌលបុប្ផាណា ផ្ទះលេខ៦៤ ផ្លូវ២០០ សង្កាត់បឹងរាំង ខណ្ឌដូនពេញ រាជធានីភ្នំពេញ៕